2 Korintiyan 7:5 - Di Jamiekan Nyuu Testiment

⁵ Wen wi did jos riich a Masiduoniya, wi did taiyad, wi neva get no taim fi res. Evriwe wi ton chobl lik wi. Di piipl dem we neva biliiv iina Gad did a chrai fi fait wi out an iina wi aat wi did fried.

2 Korintiyan 7:5 ပူးပေါင်းရင်းမြစ်များ

Aks 20:1

Afta di el an powda ous iina di siti sekl dong, Paal sen fi di biliiva dem. Im taak tu dem an elp dem fi tan op chrang iina wa dem biliiv an den im tel dem ba-bai an lef fi go a Masiduoniya.

Ruoman 15:26

Kaaz di choch dem iina Masiduoniya an Akaiya did muor dan api fi gi moni tu Gad piipl iina Jeruusilem we puor.

1 Korintiyan 15:31

Mi breda an sista, evridie mi put miself iina siiros chobl — mi kyan ded enitaim. Mi kyan se dem sopm ya jos laik ou mi kyan buos an se gud sitn bout unu kaaz unu biliiv iina Gad nof nof an unu an Jiizas kluos kluos.

1 Korintiyan 16:5

Mi a-go go chuu Masiduoniya, so afta mi go chuu de-so, mi wi kom luk fi unu.

2 Korintiyan 2:13

Bot iivn duo di piipl dem did api fi ier wa mi av fi se, mi main kudn res, kaaz mi neva si mi breda Taitos. Bot sins mi neva fain im, mi tel di piipl dem iina Chuowas ba-bai an lef go a Masiduoniya.

2 Korintiyan 2:3

A so mek mi rait da leta de — mi neva waahn di sed piipl we fi mek mi api, fi mek mi sad. So mi rait unu so unu kuda chienj we niid fi chienj, an da wie de wen mi kom luk fi unu, mi wuda api. Kaaz mi nuo fi shuor se ef mi api unu api tu.

2 Korintiyan 2:9

Mi did sen unu wan leta we se unu fi sen im fram mongks unu. A tes mi did a tes unu mek mi rait dat. Mi did waahn fi si ef unu wuda du aal we mi se unu fi du.

Gyalieshan 4:11

Mi fried fi unu. Yu miin se aal a di wok we mi du — aal di tiich mi did tiich unu — aal a dat a fi notn?

1 Tesaluoniyan 3:5

A so kom wen wi kudn bier it no langga mi did afi sen Timoti fi fain out ef unu a uol aan chrang an a gwaan chos iina Gad. Kaa mi did fried se Sietan did mek unu du rang an so aal di wok we wi did du mongks unu wudn wot notn.