2 Korintiyan 7:4 - Di Jamiekan Nyuu Testiment

⁴ Mi chos unu so mi nuo se mi kyan taak tu unu chriet an unu naa go tek it no wie. Mi proud a unu so til. Wen mi tingk bout unu, it push mi fi gwaan du di wok we mi a du. Iivn wen nof chobl a lik mi, unu mek mi api. Unu mek mi api so til mi glad-bag bos.

2 Korintiyan 7:4 ပူးပေါင်းရင်းမြစ်များ

2 Korintiyan 1:4

Wen wi a go chuu aal kain-a kraasiz an sofarieshan, a im kom elp wi an push wi fi gwaan tan chrang. Im du dat so wi kyan ton roun an elp ada piipl we a go chuu sofarieshan, no mata wa kain-a chobl dem av, an elp dem siem laik ou im elp wi.

2 Korintiyan 3:12

So sins wi kyan luk fi Gad gi wi wa im pramis an nuo fi shuor se wi a get dem, wi no afi aid an taak bout Gad.

Jiemz 1:2

Mi breda an sista, unu fi wel api wen chobl an kraasiz tek unu.

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

Filipiyan 2:17

Bot iivn ef dem kil mi an jrien out mi blod laik wain we dem chuo pan sakrifais gi Gad, kaaz unu biliiv iina im an a sorv im, mi wi api. Ye! Mi an unu a-go api tugeda.

1 Korintiyan 1:4

Mi eva gi Gad tangks fi aal we im du fi unu. Kaaz unu an Jiizas Krais a wan, im shuo unu lov iivn duo unu no dizorv it.

1 Tesaluoniyan 2:19

Mi did waahn kom luk fi unu. Kaaz aftaraal, a uu mek wi kyan luk faawod fi di die wen wi Laad kom bak, kaaz wi nuo fi shuor se unu a-go gwaan biliiv iina im. An a uu mek wi api so? Ar uu mek wi a-go kyan buos infronta im wen im kom bak, buos laik se wi win medal? iihn? No unu!

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

Filipiyan 1:20

So diip dong iina mi aat, mi riili chos se notn we mi du ar we mi se a-go mek mi shiem. Bot laik mi aalwiez du, an a du rait ya nou, mi eva a-go priich an no fried a notn, an mi eva a-go mek Krais Jiizas get nof rispek, weda mi ded ar alaiv.

2 Korintiyan 11:21

(Mi ges mi shuda shiem fi se dat wi did tuu wiik fi du dem sitn de tu unu.) Bot wat-eva dem tingk dem bad inof fi buos bout, mi a-go buos bout di siem sitn dem tu. (Mi a taak laik wan fuul ya nou).

2 Korintiyan 8:24

So shuo dem lov an chriit dem gud so dat aal a di choch dem wi si se aal a di sitn dem we wi se bout unu, a chuu.

2 Korintiyan 2:14

Wi tangk Gad we mek wi eva a win gens di wikid sitn dem we wi fies, chuu wi an Jiizas a wan. Gad yuuz wi fi pred di Gud Nyuuz bout Jiizas aal bout, an da Gud Nyuuz de komiin laik wan swiit swiit sumel.

2 Korintiyan 1:14

wan die unu wi andastan evriting. Mi uop se unu wi andastan so dat pan di die wen Jiizas kom bak, unu wi kyan buos bout ou unu nuo wi siem laik ou wi kyan buos bout ou wi nuo unu.

Ruoman 5:3

Bot wi no jos api bout dat, wi api bout aal a di sitn dem we wi afi sofa chuu tu. Kaaz wi nuo se wen wi sofa chuu dem, wi wi get chrangga, an kaaz wi get chrangga wi kyan go chuu nof muor sopm an no gi op.

Aks 5:41

So di apasl dem lef di miitn wel api kaaz Gad did tingk dem gud inof fi mek dem sofa fi Jiizas Krais.

2 Korintiyan 7:14

Mi buos bout unu tu im an unu neva kaaz mi fi shiem. Kaaz jos laik ou evriting wi tiich unu a chuu, a siem so im kom fi si se evriting we mi did se bout unu a chuu tu.

2 Korintiyan 10:8

Kaaz iivn ef mi buos likl tu moch bout di powa an di rait we di Laad gi mi, mi no shiem. Im gi mi da powa de no fi mash unu dong bot fi elp unu get chrang.

Filipiyan 1:14

An siek-a ou mi iina prizn, muos a di breda an sista dem get briev an a priich Gad wod, an no friedi-friedi no muor.

Filipiyan 1:26

So wen mi kom bak kom luk fi unu agen, unu wi kyan priez Krais Jiizas nof muor, siek-a wa im yuuz mi fi du fi unu.

2 Tesaluoniyan 1:4

Siek-a dat, wi fi wan afi buos bout unu iina aal a Gad choch dem, kaaz unu eng aan no mata wa. An unu a chos iina Gad iivn duo unu a sofa an a go chuu nof chraiyal an chibilieshan.

Failiiman 1:7

Failiiman, mi breda, yu lov fi Gad piipl, du mi aat gud an gi mi chrent. Yu lov kaaz aal a Gad piipl fi api.