2 Korintiyan 7:11 - Di Jamiekan Nyuu Testiment

¹¹ So unu si umoch gud it du unu wen Gad mek unu sari. It mek unu staat tek tingz siiros an wel waahn fi shuo se unu a du di rait ting. It beks unu. It mek unu fried. It mek unu wel waahn fi si mi. It mek unu staat tek kier wid wa unu du an chrai aad fi mek shuor se unu a du di rait ting.

2 Korintiyan 7:11 ပူးပေါင်းရင်းမြစ်များ

Ruoman 14:18

Enibadi we liv an sorv Krais Jiizas da wie de, wi kaaz Gad fi api wid dem an piipl wi rispek dem fi wa dem du.

2 Timoti 2:15

Chrai aad an du yu wok di wie Gad waahn yu fi du it. Mek shuor yu du yu wok gud an onggl tiich di chuut. Ef yu du dis, yu naa go av notn fi shiem bout an Gad wi api wid yu.

2 Korintiyan 7:7

An wi neva api jos chuu im kom, bot kaaz im tel wi ou unu did tek kier a im an elp im fi du di wok we im did av fi du. Im tel wi bout ou unu did wel waahn si mi so dat unu kuda mek mi nuo se unu lov mi, an dat unu did wel sari bout wa apm tu mi. Im tel mi bout ou unu eva av mi bak. An wen mi ier dem sitn de, it mek mi iivn muor api.

1 Korintiyan 5:13

Gad wi joj di piipl we no biliiv iina im. “Ron di wikid piipl dem fram mongks unu.”

Revilieshan 3:19

Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.

Juud 1:23

Di wan dem we iina di faiya, grab dem out an siev dem; an yu av som ada piipl we unu fi tek piti pan, bot wach unuself wid dem, an av rispek fi Gad siem wie, an iet dong tu di kluoz we dem sin mes op.

1 Piita 2:2

An jos laik ou yong biebi no waahn notn bot dem mada milk, a siem so unu fi wel waahn Gad wod — dat a fi unu milk. Da wie de, unu naa go jos get siev an a it dat, bot unu wi gruo,

1 Piita 1:17

Gad no paashal, an im a-go joj evribadi bies pan ou dem liv dem laif an wa dem du. Ef unu kaal im Faada, unu fi liv rait an shuo im rispek fi di taim we unu de ya mongks chrienja.

Iibruu 4:1

So wi fi mek shuor se Gad no pramis fi gi wi piis an res an wi en op no get it kaaz wi gilti a sopm.

Taitos 3:8

Aal a wa mi jos tel yu, a chuu sopm. An a dat mi waahn yu fi tiich aad aad. Tiich it so dat aal a di piipl we biliiv iina Gad wi mek shuor se dem onggl du gud sitn; dem sitn ya gud an wi elp evribadi.

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Ifiijan 5:11

Unu no fi tek paat iina di rang sitn dem we piipl we no nuo Gad an we a liv iina di daak a du. Wa unu fi du a mek evribadi si se di sitn dem we dem piipl de a du no mek no sens.

Ifiijan 4:26

Ef unu get beks bout sopm, no mek dat kaaz unu fi sin. An no mek di die don an unu stil beks wid wan aneda.

2 Korintiyan 13:7

Nou wi prie tu Gad se unu wi no du notn we rang, no kaaz wi waahn fi mek wiself luk gud bot kaaz wi aalwiez waahn unu fi du we rait. Wi aalwiez waahn unu fi du we rait iivn ef it luk laik se wi did fiel di tes.

2 Korintiyan 9:2

Mi no afi rait unu kaaz mi nuo se unu wel waahn fi elp. Mi aal buos bout unu tu Gad piipl we de iina Masiduoniya. Mi tel dem ou fram laas ier di uol a unu iina Akaiya redi fi elp an kaaz unu redi fi elp, it mek dem wel waahn fi elp tu.

2 Korintiyan 7:1

Mi gud gud fren, sins Gad mek dem pramis ya tu wi, mek wi stie faar fram sin an kip wi badi an wi spirit kliin. Mek wi rispek Gad an gi im evri paat a wi. Mek wi chrai fi bi muor laik im.

2 Korintiyan 6:4

So insted-a kaaz piipl fi ton we, wa wi du a shuo dem se wi a Gad sorvant iina evriting we wi du. Wi shuo dem se wi a Gad sorvant wen wi no gi op wen nof chobl an chraiyal an kraasiz tek wi.

2 Korintiyan 2:6

Muos a unu did ponish da sumadi de an di ponish we unu ponish im, it inof.

1 Korintiyan 12:25

Im mek it da wie de so dat di difrant difrant paat dem iina di badi wi wok tugeda an fi mek shuor se dem tek kier a dem wan aneda.

1 Korintiyan 5:2

An unu a buos bout unuself! Unu no tingk se unu shuda a eng dong unu ed iina shiem an a baal? Unu no tingk se unu shuda kik out di wan dem we a du dem sitn de?

Ruoman 11:20

Nou dat a di chuut. Dem did get brok aaf kaaz dem neva biliiv bot kaaz unu biliiv unu a go tan wich paat unu de. Bot no mek dat get tu unu ed, insted-a dat unu beta wach unuself!

Aks 17:16

Paal did a wiet fi Sailas an Timoti iina Atenz wen im spirit muuv iina im kaaz im did so mad wen im si ou di siti ful op a faalz gad.

Jan 2:17

Sed taim dis ya apm, im falara dem memba ou Gad wod se, “Di wie mi lov yu ous, it de go kaaz mi fi ded.”

Maak 3:5

Jiizas luk roun pan dem an im did wel beks an it bon im fi si ou dem aad-iez. So im se tu di man se, “Chrech out yu an.” Di man chrech out im an, an im an get beta.

2 Korintiyan 7:9

Bot nou mi wel api. Mi no api kaaz it did mek unu sad. Mi api kaaz unu did so sad dat unu go tel Gad di rang we unu du an beg im fi paadn unu. A dat Gad did waahn. Im did waahn unu fi sari fi di rang we unu du an chienj unu wiez. So, wi neva du notn fi ort unu.

Ruoman 3:5

So wa ef wen wi du rang, piipl si klier klier se Gad aalwiez a du we rait? Wa wi kyan se bout dat? Unu tingk wi kyan se Gad a du rang wen im ponish wi? (Mi jos a taak ou som piipl taak)

1 Tesaluoniyan 4:6

An unu mosn chriit unu breda an sista dem iina wan wie we no rait. Unu no fi tek advaantij a dem. Kaaz di Laad a-go ponish piipl fi aal a dem kain-a sin ya. Wi did don tel unu an waan unu aredi.

1 Timoti 5:20

Di elda dem we sin duo, unu fi karek dem infronta evribadi. Unu mos du dis fi waan di res a piipl dem.

Jiemz 3:17

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.