2 Korintiyan 7:1 - Di Jamiekan Nyuu Testiment

¹ Mi gud gud fren, sins Gad mek dem pramis ya tu wi, mek wi stie faar fram sin an kip wi badi an wi spirit kliin. Mek wi rispek Gad an gi im evri paat a wi. Mek wi chrai fi bi muor laik im.

2 Korintiyan 7:1 ပူးပေါင်းရင်းမြစ်များ

1 Tesaluoniyan 4:7

Kaaz Gad neehn kaal wi fi wi dabl iina seks sin, bot fi liv kliin.

1 Piita 2:11

Mi fren, mi a beg unu du, laik ou unu a farina pan ort, we a-go de ya fi nou mongks chrienja, no bada du wa di badi waahn — di badi a waar wid di suol.

Jiemz 4:8

Jraa nier Gad, an Gad wi jraa nier unu. Sina kliin op unu laif. An unu we kyaahn mek op unu main, kliin op fi unu aat tu.

1 Jan 3:3

Evribadi we biliiv se Jiizas a-go mek dem jos laik imself, kip we fram sin, jos laik ou Jiizas kip we fram sin.

1 Tesaluoniyan 5:23

Wi prie se Gad imself we gi piipl piis, wi put unu wan said fi liv fi im an sorv im wid aal a unu aat, an wi mek unu tan jos laik im iina evri wie. An wi prie se im wi no mek no paat a unu — spirit, suol ar badi, kyan get bliem fi notn wen wi Laad Jiizas Krais kom bak.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Korintiyan 6:20

Gad pie nof fi unu wen im sen im Bwai Pikni fi ded fi unu. So tek kier a unu badi an liv rait so dat piipl wi nuo se unu bilang tu Gad.

1 Jan 1:7

Bot ef wi liv iina di lait siem laik Gad, wi a liv iina piis wid wan aneda. Da wie de Gad wash we aal a wi sin dem wid im Bwai Pikni blod.

Iibruu 4:1

So wi fi mek shuor se Gad no pramis fi gi wi piis an res an wi en op no get it kaaz wi gilti a sopm.

Matyu 5:48

So ier mi nou, unu no fi gud onggl somtaim an onggl tu som piipl; nobadi no fi av notn bad fi se bout unu, tan jos laik unu faada we iina evn — im gud aal di wail, tu evribadi, an nobadi kyaahn se notn bad bout im an a taak chuut.”

Matyu 5:8

Aal a uu onggl waahn fi du di sitn dem we mek Gad api, Gad bles unu, kaaz wan die, wan die, unu a-go get fi si Gad.

1 Jan 1:9

Bot ef wi si se wi sin an beg Gad paadn, wi kyan nuo fi shuor se Gad wi paadn wi an wash we aal a wi sin dem.

Ifiijan 2:3

Matarafak, aal a wi yuus fi liv laka dat wan taim. Wi did a liv onggl fi wa wi badi waahn an fi di rang sitn dem wa wi main tel wi fi du. Wi did komiin jos laik evribadi els we fi get joj an ponish fi dem sin.

Ruoman 5:20

Nou Gad sen di Laa so dat piipl wuda nuo se wa dem a du a sin. Bot wen piipl staat fi sin muor an muor, iivn duo wi neva dizorv it, Gad shuo dem lov muor an muor.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

Iibruu 12:28

So laik ou Gad a gi wi di rait fi ruul wid im, an dat a sitn we kyaahn shiek op, mek wi gi Gad tangks an yuuz dis an worship im iina wan wie we wi mek im api. Mek wi rispek im big taim.

Iibruu 12:23

Unu kom wich paat di fos set a pikni we a fala Krais Jiizas gyada op. Fi dem niem don rait dong iina evn aredi. Unu kom tu Gad tu, we joj evribadi. An unu kom tu dem piipl de we du rait iina Gad yai. Gad don mek dem rait iina evri wie.

1 Tesaluoniyan 3:13

Da wie ya, unu aat wi get chrang so unu wi du di sitn dem we shuo se unu bilang tu wi Faada Gad. An so im naa go kyan bliem unu fi notn wen unu tan op infronta im wen wi Laad Jiizas kom bak wid aal a im piipl dem.

2 Korintiyan 1:20

No mata umoch pramis Gad mek, a Jiizas Krais mek wi kyan get di uol a dem. A so mek wen taim wi waahn fi big op Gad wi se “Iemen” iina Jiizas niem.

Aks 9:31

Den di choch dem we did iina Judiya, Gyalalii, an Samieriya get a briek fram di sofarieshan we dem did a go chuu fi a wail. Di choch gruo muor an muor kaaz dem di a du we de Laad waahn dem fi du an di Uoli Spirit did a wok wid dem.

Matyu 12:33

“Mek wan chrii gud, an di fruut we it bier a-go gud tu; mek wan chrii no gud, an di fruut we it bier naa go gud. Unu kyan nuo bout wan chrii siek-a di kain-a fruut we it bier.

Iibruu 6:9

Bot fren, iivn duo wi taak so, wi shuor se fi unu kies difrant — wi shuor se beta sitn a-go apm tu unu, kaaz unu a liv laik piipl we Gad siev.

1 Piita 1:15

Bot wa unu fi du a liv kliin an no dabl-dabl iina sin. Du wa rait iina evriting we unu du, jos laik ou Gad, di wan we kaal unu fi kom ton fi im pikni dem, onggl du di sitn dem we rait an gud an kliin.

1 Piita 1:17

Gad no paashal, an im a-go joj evribadi bies pan ou dem liv dem laif an wa dem du. Ef unu kaal im Faada, unu fi liv rait an shuo im rispek fi di taim we unu de ya mongks chrienja.