2 Korintiyan 6:14 - Di Jamiekan Nyuu Testiment

¹⁴ No jain op jain op wid piipl we no biliiv iina Jiizas. Kaaz wa sumadi we a liv rait av fi du wid sumadi we a diil wid bier wikidnis? Ar ou lait an daak fi shier spies?

2 Korintiyan 6:14 ပူးပေါင်းရင်းမြစ်များ

1 Korintiyan 15:33

No mek dem fuul unu, “Ef yu kip fren wid wikid piipl, dem wi kaaz yu fi ton we fram we yu nuo rait, an mek yu du wikid sitn tu.”

1 Korintiyan 10:21

Yu kyaahn a jringk fram di Laad kop an a jringk fram diiman kop tu. An yu kyaahn a nyam a di Laad tiebl an den go nyam a di diiman tiebl.

Jiemz 4:4

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

1 Korintiyan 5:9

Iina di leta we mi did rait tu unu, mi did tel unu se unu no fi av notn fi du wid piipl we a tek paat iina no kain-a seks sin.

Filipiyan 2:15

Da wie de, nobadi kyaahn paint no fingga pan unu, kaaz unu a Gad pikni we a liv kliin an naa miks op iina di torbl sitn dem we di piipl we a liv iina da taim ya a du. Nuo! Unu a shain laik wan brait lait iina di worl.

Jan 7:7

Di piipl dem iina di worl kyaahn iet unu, bot dem iet mi kaa mi tel dem se wa dem du wikid an bad.

1 Korintiyan 7:39

Wan uman mos stie marid tu ar ozban az lang az im a liv. Bot ef im ded shi kyan go marid sumadi els bot da man de afi bi wan a Gad pikni.

Aks 4:23

Afta dem get let go Piita an Jan go bak tu di ada piipl we biliiv iina Jiizas an go tel dem evriting we di liida fi di priis dem an di elda dem se tu dem.

1 Korintiyan 6:6

Bot sumadi we biliiv iina Gad kyari wan neda sumadi we biliiv go kuot — wos kyari dem go infronta wan joj we no biliiv iina Gad.