2 Korintiyan 5:7 - Di Jamiekan Nyuu Testiment

⁷ (An iivn duo wi kyaahn si it wi nuo wi a-go get it kaaz wi no liv wi laif bies pan wa wi kyan si wid wi yai dem bot pan wa wi biliiv.)

2 Korintiyan 5:7 ပူးပေါင်းရင်းမြစ်များ

2 Korintiyan 4:18

So wi naa wach di sitn dem we wi kyan si, kaaz dem sitn de naa go laas fi eva. Insted-a dat wi wach di sitn dem we wi kyaahn si kaaz dem de sitn de laas fi eva.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!

Iibruu 10:38

An mi piipl dem we du di rait sitn dem a-go liv kaaz dem biliiv iina mi. An ef dem go ton bak mi naa go api wid dem at aal at aal.”

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

1 Piita 5:9

Fait im aaf. No du wa im tel unu fi du, an tan op chrang an chos Jiizas, kaaz unu nuo se a no unu wan a go chuu dis, unu breda an sista dem we de aal uova di worl a go chuu di siem kain-a sofarieshan.

1 Korintiyan 13:12

Kaaz jos laik ou wen wi luk pan wiself iina wan shain piis a metal, wi kyaahn mek out evriting, a siem so wi tan nou. Wi nuo som tingz bot wi no nuo evriting. Bot wan die wi a-go si Gad fies tu fies an den wi wi nuo an andastan evriting we de de fi nuo bout Gad. Jos laik ou Gad nuo evriting bout wi.

2 Korintiyan 1:24

Wi a no som baas we a chrai fi ruul uova unu an tel unu wa fi biliiv. Wi a wok wid unu fi mek unu api kaaz unu chrang iina wa unu biliiv.