2 Korintiyan 5:6 - Di Jamiekan Nyuu Testiment

⁶ An sins wi av Gad Spirit a liv iina wi, wi no fried an wi no gi op. Wi nuo se az lang az wi a liv pan ort iina da badi ya, wi de faar fram di uom we di Laad mek fi wi.

2 Korintiyan 5:6 ပူးပေါင်းရင်းမြစ်များ

2 Korintiyan 5:1

Wi nuo se wi badi a laik di ous dem we wi liv iina, dem naa go laas fi eva. An wi nuo se wen da badi ya mash op, Gad wi gi wi wan nyuu wan we im bil imself. Da badi de wi wi get wen wi riich a evn an it a-go laas fi eva.

Iibruu 11:13

Aal a dem piipl ya we ded did a chos iina Gad siem wie, aal wen dem neehn get iina dem an, di sitn we Gad did pramis. (Dem did si dem fram faar faar — lang bifuo dem apm an dem did wel api). An dem neehn fried fi se dem no kom fram ya-so — dat dem a farina pan ort.

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.

1 Piita 5:1

Mi a taak tu di elda dem ya nou. Mi a elda laik unu, mi a wan we si fi miself ou Krais Jiizas did sofa tu, an mi tel piipl bout dis, an mi a-go daans an praans wid im wen im kom bak wid aal a di powa we evribadi a-go si. So mi a beg unu du,

Iibruu 10:35

So no bada gi op. Gwaan uol tait, kaaz siek-a dat unu a-go get som blesn de!

2 Korintiyan 5:8

So laik mi did a se, wi no fried an wi no gi op, an wi waahn fi get wi nyuu badi an go liv wid di Laad muor dan wi waahn fi kip da badi ya.

Iibruu 13:14

Kaaz wi naa no siti we a-go laas fi eva ya-so, bot wi a luk fi di siti we a-go kom.