2 Korintiyan 5:2 - Di Jamiekan Nyuu Testiment

² Wail wi dong ya pan ort, a wiet wi jos a wiet, kaaz wi wel waahn fi put aan wi nyuu badi.

2 Korintiyan 5:2 ပူးပေါင်းရင်းမြစ်များ

Ruoman 7:24

Mi sari iihn, mi a wan sari kies fi chuu! Uu a-go siev mi fram da badi ya we a kil mi?

Ruoman 8:23

An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

1 Korintiyan 15:51

Lisn an lisn gud kaaz mi a-go tel unu sitn we nobadi no nuo bout — a no aal a wi a-go ded bot Gad a-go chienj di uol a wi.

Filipiyan 1:23

Mi no nuo wich wan fi pik. It komiin laik eniwe mi ton maka juk mi. Mi wuda waahn fi ded an go liv wid Krais Jiizas dan tan ya, kaaz dat wuda uol iip beta fi mi.