2 Korintiyan 5:18 - Di Jamiekan Nyuu Testiment

¹⁸ Aal a dem sitn ya, a Gad du dem. A im sen Jiizas fi ded fi wi an mek tingz rait bitwiin wi an im. An a Gad sen wi fi tel piipl se im mek wan wie fi dem mek tingz rait wid im.

2 Korintiyan 5:18 ပူးပေါင်းရင်းမြစ်များ

1 Jan 4:10

Riil lov a no ou wi lov Gad, bot a ou Gad lov wi an ou im sen im wan dege-dege Bwai Pikni kom ded fi wi sin dem.

Ruoman 5:1

Gad put tingz rait bitwiin wi an im, kaaz wi biliiv iina im. An siek-a wa wi Laad Jiizas Krais did du, wi an Gad a liv iina piis.

Ruoman 11:36

Kaaz a Gad mek evriting! A im kaaz evriting fi liv an evriting mek fi sorv im. Gad fi get priez fi eva an eva! Iemen!

1 Jan 2:2

Jiizas Krais a di wan we gi op im laif so wi kuda get paadn fi wi sin dem an dat evribadi iina di worl kuda get paadn tu.

1 Korintiyan 8:6

Bot wi nuo se a onggl wan Gad de bout. Im a di Faada we mek evriting an im a uu wi a liv fa. An wi nuo se a onggl wan Laad de bout an dat a Jiizas Krais, a im mek evriting an a im mek wi kyan liv.

Jan 3:16

“Kaa, yu si, Gad lov di worl so moch dat im gi op im wan dege-dege Bwai Pikni, so enibadi we chos iina im naa go ded bot a-go liv fi eva.

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.

Jiemz 1:17

Evri gud sitn — di sitn dem we no av notn bad bout dem — kom fram Faada Gad we mek aal a di lait dem we iina di skai. Bot im no tan laik di lait dem we im mek. Dem eva a chienj, bot im no chienj op chienj op.

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.

1 Korintiyan 12:6

Wen wi a sorv Gad, evri wan a wi av di powa fi du sopm bot a di siem Gad gi di uol a wi di powa fi du it.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

Aks 10:36

Unu nuo di mesij we Gad sen kom tu di Izrel piipl. Di mesij we se dat Gad a-go yuuz Jiizas we a Laad fi evribadi fi mek tingz rait wid im an piipl.

Jan 3:27

Bot Jan se tu dem se, “Sumadi kyan onggl av wa Gad gi dem.

Luuk 10:5

“Wen taim unu go a nobadi yaad, di fos ting unu fi du a se, ‘Gad, mek yu piis kom dong pan da yaad ya.’

1 Korintiyan 3:5

Afta aal, uu a Apalos? An uu a Paal? A wi kom priich tu unu an mek unu biliiv bot di tuu a wi did onggl a du wa Gad se wi fi du. Wi a onggl Gad sorvant.

1 Korintiyan 11:12

Memba se wen Gad did a mek uman im yuuz paat a di man fi du it, an nou fi man baan im niid wan uman. So evriting kom fram Gad.

Koloshan 1:22

Bot nou Gad mek unu im fren siek-a wa apm tu im Bwai Pikni. Im mek im Bwai Pikni ded so unu kuda get gud an kliin, widout no maak ar no sin, an unu no afi fiil gilti, an im naa go bliem unu fi notn wen unu kom infronta im.