2 Korintiyan 5:15 - Di Jamiekan Nyuu Testiment

¹⁵ Jiizas ded fi aal a wi so dat di wan dem we did jos a liv fi mek demself api wuda chienj dem laif an staat liv dem laif fi mek im api — di wan we did ded an kom bak alaiv.

2 Korintiyan 5:15 ပူးပေါင်းရင်းမြစ်များ

Koloshan 3:1

Sins Gad mek unu liv agen wen Krais Jiizas did kom bak alaiv, unu fi kip unu main an aat pan di sitn dem we de iina evn. A dem sitn de unu fi waahn. A de-so Krais Jiizas de. An im a sidong pan Gad rait an said.

Koloshan 3:17

An no mata wa unu du: no mata wa unu se ar du, unu fi memba se unu a di Laad Jiizas falara, so du wa unu du laik sumadi we a fala im. Wen unu a du dat, unu wi a gi Faada Gad tangks. An unu wi kyan gi im tangks, siek-a wa Krais Jiizas du fi unu.

1 Jan 4:9

Gad shuo wi umoch im lov wi wen im sen im wan dege-dege Bwai Pikni iina di worl kom ded fi wi so wi kyan get riil laif.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Gyalieshan 5:25

So sins Gad Spirit gi wi laif, mek wi liv ou di Spirit waahn wi fi liv.

Ruoman 12:1

So den breda an sista, sins Gad gud an kain tu unu nof nof, mi a beg unu du, gi op unu laif tu Gad laik wan sakrifais — wan sakrifais we alaiv, we de de fi sorv Gad an we Gad kyan api wid. Dat a ou unu fi worship Gad.

1 Piita 4:6

A dat mek di Gud Nyuuz did priich tu aal di piipl dem we ded nou, kaaz iivn duo dem get joj laik ada piipl, di Spirit wi mek dem kyan go liv wid Gad.

1 Tesaluoniyan 5:10

Jiizas ded fi wi, so weda wi alaiv ar wi ded di uol a wi kyan go liv wid im.

Ruoman 6:6

Wi nuo se di wie wi yuus tu liv, dat don wid — it ded wid Jiizas pan di kraas. It ded wid im so dat sin wudn av no powa uova wi. It ded wid im so dat sin kudn tek wi fi sliev no muor.

Luuk 1:74

fi siev wi fram dem we iet wi. So wi kyan du we im waahn wi fi du an no fried;

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

2 Korintiyan 5:16

So den, wi no luk pan piipl an joj dem bies pan ou big ar sumaal dem bi, wi no joj dem laik ou di piipl we no biliiv joj dem. Bifuo wi did biliiv, a siem so wi did luk pan Jiizas Krais an joj im, bot nou wi no du dat no muor.

1 Korintiyan 10:33

Unu fi du laik mi. Mi chrai fi du tingz we wi kaaz evribadi fi api. Mi no du tingz fi elp miself wan bot mi du tingz we wi elp evribadi. Mi du dat so dat evribadi kyan get siev.

Koloshan 3:23

Wat-eva unu a du, du it wid aal a unu aat; wok laik se a Gad unu a wok fa an no fi piipl.

Koloshan 2:12

An wen unu did get baptaiz, a laik se unu did ded an beri wid Krais Jiizas. An a laik se Gad mek unu liv agen tu wen Jiizas kom bak alaiv. Im du dat jos kaaz unu chos iina im powa. A im tek we Jiizas fram mongks ded piipl an mek im kom bak alaiv.

Ruoman 8:6

Nou, ef yu onggl a tingk bout di sitn dem we yu badi waahn fi du, yu a-go ded. Bot ef aal yu a tingk bout a di sitn dem we Gad Spirit waahn yu fi du, Gad wi mek yu riili liv an gi yu piis iina yu aat.

Ruoman 8:2

Kaaz di Spirit we riili gi laif an we kaaz wi fi ton wan wid Krais Jiizas, da Spirit de set wi frii. Im set wi frii fram di laa we kaaz piipl fi sin an ded.

Jan 6:57

Jos laik ou di Faada we gi laif sen mi an mek mi liv, a siem so mi a-go mek di sumadi we nyam mi liv.

Ifiijan 4:17

So, lisn nou! Mi a Gad sorvant so mi av di rait fi tel unu wa unu fi du. Unu no fi liv no muo laik di piipl dem we no nuo Gad. We dem piipl de main tel dem fi du no mek no sens.

2 Korintiyan 3:6

A Gad mek wi kyan sorv im an go roun go tel piipl bout di Nyuu Diil we Gad mek wid wi. Da Nyuu Diil ya no av notn fi du wid di Laa we did rait dong. Iina da Nyuu Diil ya Gad sen im Spirit gi wi; kaaz di Laa kil bot di Spirit gi laif.

Ifiijan 5:14

Lait shuo op evriting an mek wi si wa dem riili komiin laik. A dat mek Gad wod se, “Unu we a sliip, wiek op, man. Aal a unu we ded, kom bak alaiv, an mek Krais Jiizas shain pan unu laka lait.”

Ruoman 8:10

Bot ef Krais Jiizas a liv iina unu, di Spirit wi kaaz unu fi liv. Unu badi a-go ded kaaz a unu sin bot unu spirit a-go liv. Krais Jiizas mek unu liv kaaz Gad put tingz rait bitwiin unu an im.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Ruoman 6:2

Nuo sa, notn kyaahn go so! Wen it kom tu sin, a laik a ded wi ded, sin naa no powa uova wi. So ou wi, wi we sin naa no powa uova, ou wi fi a stil liv iina sin?

Ruoman 4:25

Gad sen Jiizas fi ded siek-a fi wi sin dem an Gad mek im kom bak alaiv so dat tingz kyan rait bitwiin wi an Gad.

2 Korintiyan 12:10

So mi api se mi wiik. Wen piipl chriit mi bad, wen chobl tek mi, wen piipl kaaz mi fi sofa an wen tingz aad, mi stil api. Mi api fi sofa fi Krais Jiizas kaaz wen mi wiik, a da taim de mi chrang.