2 Korintiyan 5:11 - Di Jamiekan Nyuu Testiment

¹¹ So kaaz wi av nof rispek fi di Laad an chuu wi nuo se im a-go joj evribadi, wi du aal we wi kyan du fi win piipl uova fi Gad. Gad nuo se wi onggl priich wa im waahn wi fi priich an mi uop se, iina unu aat, unu nuo se a dat wi a du.

2 Korintiyan 5:11 ပူးပေါင်းရင်းမြစ်များ

Matyu 10:28

No fried a nobadi, kaa dem kyan onggl kil di badi, dem kyaahn kil unu suol. Uu unu fi fried a a Gad, kaa im kyan dash unu dong a el, an mash op unu badi an suol.

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

Luuk 12:5

Mek mi tel unu uu unu fi fried a: fried a di wan we kyan kil di badi an av di powa fi fling unu suol dong a el tu. Yes mi a tel unu, a im unu fi fried a.

Luuk 16:31

“Iebriyam se, ‘Ef dem no lisn Muoziz an di prafit dem, no iivn sumadi fram di ded a-go mek dem chienj dem main.’ ”

Aks 13:43

Afta di Juu dem choch uova, nof a di Juu dem an di piipl dem we did ton Juu fala Paal an Baanabas. Paal an Baanabas did a taak tu dem an a tel dem no fi tap chos Gad fi shuo dem lov iivn duo dem neva dizorv it.

Aks 18:13

dem se, “Da man ya a chrai fi get piipl fi worship Gad iina wan wie we go gens di Laa!”

Aks 18:4

Evri Sabat Paal go a di Juu dem choch an go aagyu wid di Juu dem an wid di Griik piipl dem fi chrai win dem uova.

Aks 19:26

An unu si an ier fi unuself ou di wan Paal a get piipl fi biliiv se di gad dem we man mek wid dem an a no gad at aal. An dat naa jos apm iina Efisos, it a apm aal uova Iezha.

Aks 26:26

Mi naa taak no fuulinish, kaaz di King nuo bout aal a dem sitn ya, so mi a taak tu im an naa uol notn bak, kaaz mi shuor se non a dem sitn ya no apm we im no nuo bout, kaaz dem neva apm iina wan kaana.

Aks 28:23

So dem set di taim fi miit wid im. Wen dem shuo op a im ous fi di miitn, uol iip muor a dem kom dan di fos taim. Fram maanin til iivnin, Paal taak tu dem an elp dem andastan di mesij bout Gad kindom an Jiizas. An im yuuz di Laa we Muoziz did rait dong, an wa di prafit dem did rait fi get dem fi biliiv se wa im did a tel dem bout Gad kindom a chuu.

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.

2 Korintiyan 5:20

So wi a taak fi Krais Jiizas, an a laik se Gad a yuuz wi fi beg unu fi lisn tu wa wi a se. An sins wi a taak fi Krais Jiizas, wi a beg unu fi mek Gad put tingz rait bitwiin unu an im.

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

Gyalieshan 1:10

Nou, wen mi taak so, a uu unu tingk mi a chrai fi win uova, Gad ar man? A uu unu tingk mi a chrai fi mek api? Ef mi did stil a chrai fi mek piipl api wid mi, mi wudn bi wan sliev fi Krais Jiizas.

Ifiijan 5:21

Kaaz unu av nof rispek fi di Laad Jiizas, unu fi ombl unuself an lisn tu unu wan aneda.

Iibruu 10:31

A no wan nais sitn fi jrap iina di an fi di Gad we a liv, an im ponish yu yu nuo — enibadi we dat apm tu fi kech dem fried!

Iibruu 12:29

Kaaz fi riil, wi Gad a laik wan faiya we bon op tingz.

Juud 1:23

Di wan dem we iina di faiya, grab dem out an siev dem; an yu av som ada piipl we unu fi tek piti pan, bot wach unuself wid dem, an av rispek fi Gad siem wie, an iet dong tu di kluoz we dem sin mes op.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.