2 Korintiyan 5:1 - Di Jamiekan Nyuu Testiment

¹ Wi nuo se wi badi a laik di ous dem we wi liv iina, dem naa go laas fi eva. An wi nuo se wen da badi ya mash op, Gad wi gi wi wan nyuu wan we im bil imself. Da badi de wi wi get wen wi riich a evn an it a-go laas fi eva.

2 Korintiyan 5:1 ပူးပေါင်းရင်းမြစ်များ

Maak 14:58

“Wi ier im se, ‘Mi wi tier dong Gad ous we man mek an bil bak wan iina chrii die we man no mek.’ ”

Aks 7:48

Bot wi nuo se di Muos Ai Gad no liv iina ous we man mek. Wan a im prafit se:

1 Korintiyan 3:9

Mi an Apalos, wi a jos Gad sorvant an di tuu a wi a wok tugeda fi Gad. Bot unu, unu a Gad fiil we wi a plaant op, unu a Gad bildin.

2 Korintiyan 4:7

Iivn duo wi a laik som pat we mek outa klie an we iizi fi mash op, Gad mek wi andastan di Gud Nyuuz bout Jiizas an gi wi di powa fi tiich piipl, dat a laik wan chrezha. Im du it da wie de so dat evribadi wuda nuo se a no wi av di powa, bot a im riili av aal a di powa.

2 Korintiyan 5:4

Nou wen mi se a jos wiet wi a wiet fi put aan di nyuu badi, mi no miin se a ded wi jos waahn fi ded so dat wi kyan dash we da badi ya. Wa mi a se a dat wi wel waahn fi put aan di nyuu badi kaaz da badi de a-go laas fi eva. It no komiin laik da badi ya we kyan mash op an ded.

Koloshan 2:11

An kaa unu kluos tu Jiizas im sorkomsaiz unu. Unu no sorkomsaiz laik naamal, laik wen piipl kot we skin fi shuo se dem a Gad piipl. Nuo sa, im kot unu we fram sin. So sin naa no muo powa uova unu.

2 Timoti 1:12

A kaaz mi tiich di Gud Nyuuz mek mi a sofa nou. Bot iivn duo mi iina prizn mi no shiem, kaaz mi nuo uu mi biliiv iina. An mi nuo se im wi kip sief aal a di sitn dem we im chos mi wid til di die Gad kom fi joj wi.

Iibruu 11:10

Iebriyam tan de kaaz im did a luk faawod fi wan siti we Gad did jraa op an bil. Da siti de tan op pan som chrang foundieshan.

Iibruu 9:11

Bot Krais Jiizas kom aredi az di liida fi priis fi di gud sitn dem we a kom. An di tent we im go chuu, dat biga an beta dan di ada wan. It no niid notn els fi mek it no beta dan it bi. An a no piipl mek da wan de. Dat miin fi se a no da worl ya it kom fram.

Iibruu 9:24

Kaaz Krais Jiizas neehn go iina wan tent we piipl mek, we did jos a ak laik di riil tent — nuo sa! Im go iina evn itself an de de wid Gad nou, fi elp wi.

1 Piita 1:4

Siek-a dat, wi kyan luk fi get aal a wa Gad a kip sief iina evn fi im piipl dem. Dem sitn de kyaahn ded. Dem naa go pwail ar doti op. An dem kyaahn jrai op an disapier niida.

2 Piita 3:11

Sins evriting a-go mash op so, a wa kain-a piipl unu fi bi, iihn? Unu fi liv unu laif fi Gad. Unu fi liv kliin kliin laif

1 Jan 3:14

Wi nuo se wi no ded no muor, a liv wi staat liv ya nou. Wi nuo dis kaaz wi lov ada piipl. Aal a uu no lov dem breda an sista, dem ded siem wie.

1 Jan 3:19

Siek-a ou wi lov wi breda an sista, a so wi nuo fi shuor se wi av di riil mesij, so wi kyan tan op infronta Gad an wi kanchens no bada wi.

1 Jan 3:2

Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.