2 Korintiyan 4:9 - Di Jamiekan Nyuu Testiment

⁹ Nof taim piipl mek wi sofa bot Gad neva lef wi, im eva de wid wi. Nof taim wi get lik dong, bot wi no ded.

2 Korintiyan 4:9 ပူးပေါင်းရင်းမြစ်များ

Jan 15:20

Memba we mi did tel unu se, ‘No sorvant no biga dan im maasta.’ Ef dem mek mi sofa den dem mos a-go mek unu sofa tu. Ef dem du wa mi tiich dem fi du, dem a-go du wa unu tiich dem fi du tu.

Ruoman 8:35

So den wa kyan mek Krais Jiizas tap lov wi? Ef chobl tek wi an pien lik wi, ef wi naa no fuud, no kluoz, notn, ef wi sofa siek-a wa wi biliiv, ef piipl chretn wi ar iivn ef dem kil wi, unu tingk se dat miin Krais Jiizas tap lov wi?

2 Korintiyan 7:6

Bot Gad we mek piipl api wen dem sad an a wori, mek wi api an push wi fi gwaan wok wen im sen Taitos tu wi.

2 Timoti 3:12

Az a matarafak, enibadi we se dem a Gad piipl an a fala Gad, afi go chogl chuu nof sitn tu.

Iibruu 13:5

Unu no fi lov moni. Unu fi satisfai wid wat-eva unu av, kaaz Gad se, “Mi naa go lef unu non at aal. Nuo mi naa lef unu fi fen fi unuself.”