2 Korintiyan 4:8 - Di Jamiekan Nyuu Testiment

⁸ Evri wich wie wi ton chobl lik wi bot no mata wa wi fies, it naa go kyan tap wi. Iivn wen wi no nuo wa fi du, wi naa gi op.

2 Korintiyan 4:8 ပူးပေါင်းရင်းမြစ်များ

2 Korintiyan 12:10

So mi api se mi wiik. Wen piipl chriit mi bad, wen chobl tek mi, wen piipl kaaz mi fi sofa an wen tingz aad, mi stil api. Mi api fi sofa fi Krais Jiizas kaaz wen mi wiik, a da taim de mi chrang.

2 Korintiyan 7:5

Wen wi did jos riich a Masiduoniya, wi did taiyad, wi neva get no taim fi res. Evriwe wi ton chobl lik wi. Di piipl dem we neva biliiv iina Gad did a chrai fi fait wi out an iina wi aat wi did fried.

Jan 14:18

“Mi naa go lef unu laik se unu a pikni widout no mada ar faada. Mi a kom bak tu unu.

1 Korintiyan 10:13

Di siem sin dem we unu a chogl wid, evribadi els a chogl wid dem tu. Bot Gad gud, im naa go mek yu fies no sin an no gi yu wan wie fi diil wid it — im naa go gi yu muor dan yu kyan manij.

2 Korintiyan 6:4

So insted-a kaaz piipl fi ton we, wa wi du a shuo dem se wi a Gad sorvant iina evriting we wi du. Wi shuo dem se wi a Gad sorvant wen wi no gi op wen nof chobl an chraiyal an kraasiz tek wi.

2 Korintiyan 6:12

Wi naa uol bak wi lov fi unu bot unu a uol bak fi unu lov fi wi.

Gyalieshan 4:20

Mi wish wid aal a mi aat se mi kuda de de wid unu nou an taak tu unu likl saafa. Kaaz mi kyaahn andastan wa a gwaan wid unu an mi a wori bout unu.