2 Korintiyan 4:5 - Di Jamiekan Nyuu Testiment

⁵ A dat mek wi no priich bout wiself bot wi priich an tel unu se Jiizas Krais a Laad. Wi, wi a onggl unu sorvant, kaaz a dat im sen wi fi du.

2 Korintiyan 4:5 ပူးပေါင်းရင်းမြစ်များ

2 Korintiyan 1:24

Wi a no som baas we a chrai fi ruul uova unu an tel unu wa fi biliiv. Wi a wok wid unu fi mek unu api kaaz unu chrang iina wa unu biliiv.

1 Korintiyan 1:23

Bot yu si wi, wi priich bout ou Krais Jiizas ded pan di kraas fi siev wi. Di Juu dem beks enitaim dem ier da mesij ya an di piipl dem we a no Juu tingk se a fuulinish wi a taak.

Gyalieshan 5:13

Breda an sista, Gad kaal unu so dat unu kuda frii fram di Juu dem Laa. Bot dat no miin se unu kyan go liv eni ou unu waahn fi liv. Wa unu fi du a sorv an lov wan aneda.

Filipiyan 2:11

an so dat evribadi wi afi go taak wid dem uona mout mek piipl ier, se, “Jiizas Krais a fi dem Laad.” An wen dem se dat, Faada Gad wi get big op an nof rispek.

Filipiyan 1:15

Som a dem we a priich Gad mesij bad main fi riil an dem a luk waar wid wi. Bot som riili a priich Gad mesij outa wan gud aat.

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!

Taitos 1:11

Yu mos shot dem op; tap dem fram taak fuulinish. Kaaz dem a kaaz aal wan uol-a fambili fi ton we fram di chuut siek-a di sitn dem we dem a tiich. Dem a tiich tingz we dem no fi tiich an dem a du it so dem kyan mek moni.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

1 Korintiyan 12:3

So mi waahn unu fi andastan se nobadi we av Gad Spirit a liid dem kyan se dat, “Gad joj Jiizas an se im fi ded.” An sumadi kyan onggl se, “Jiizas a Laad” ef dem av di Uoli Spirit a liv iina dem.

1 Korintiyan 8:6

Bot wi nuo se a onggl wan Gad de bout. Im a di Faada we mek evriting an im a uu wi a liv fa. An wi nuo se a onggl wan Laad de bout an dat a Jiizas Krais, a im mek evriting an a im mek wi kyan liv.

1 Korintiyan 2:2

Kaaz mi did mek op mi main se wail mi did de de wid unu, mi wuda onggl priich bout Jiizas Krais an ou dem kil im pan di kraas.

Aks 10:36

Unu nuo di mesij we Gad sen kom tu di Izrel piipl. Di mesij we se dat Gad a-go yuuz Jiizas we a Laad fi evribadi fi mek tingz rait wid im an piipl.

Aks 5:31

Gad big op Jiizas an put im fi sidong a im rait an. Im mek Jiizas wan liida an di wan we a-go siev piipl so dat di Izrel piipl wuda get di chaans fi ton we fram dem sin, shuo se dem sari, an get dem sin paadn.

Aks 2:36

“So mi waahn aal a unu Izrel piipl fi nuo an andastan dis: Gad mek da siem Jiizas ya Laad an Krais.”

Jan 7:18

Sumadi we taak fi imself a luk big op fram piipl, bot sumadi we wok so dat di wan we sen im get big op, a gud sumadi an wa im taak a chuu sitn. Dem no lai.

Matyu 23:8

“Bot nobadi no fi kaal unu, ‘tiicha,’ kaa a onggl wan Tiicha de bout, plos di uol a unu a breda an sista; nobadi no aiya dan nobadi.

Matyu 3:11

“Mi tek waata baptaiz unu fi shuo se unu ton we fram sin. Bot sumadi a kom we muo powaful dan mi. Mi no iivn gud inof fi aal kyari im slipaz. Im wi tek di Uoli Spirit an faiya, an baptaiz unu.

2 Korintiyan 1:19

Kaaz Gad Bwai Pikni, Jiizas Krais, we mi, Silvanos an Timoti did priich tu unu bout, a no sumadi we se “Yes” wan minit an “Nuo” di neks. Jiizas aalwiez se wa im miin, im aalwiez se “Yes.”

1 Korintiyan 15:47

Di fos man, Gad tek dot mek fi im badi, bot di sekan man, fi im badi kom fram evn.

1 Korintiyan 10:33

Unu fi du laik mi. Mi chrai fi du tingz we wi kaaz evribadi fi api. Mi no du tingz fi elp miself wan bot mi du tingz we wi elp evribadi. Mi du dat so dat evribadi kyan get siev.

1 Korintiyan 4:15

Kaaz iivn duo unu mait-a av ten touzn tiicha fi elp unu liv ou Gad waahn unu fi liv, a no aal a dem a-go komiin laik wan faada tu unu. Bot mi a unu faada kaaz a mi fos bring di Gud Nyuuz kom gi unu an elp unu fi biliiv.