2 Korintiyan 4:18 - Di Jamiekan Nyuu Testiment

¹⁸ So wi naa wach di sitn dem we wi kyan si, kaaz dem sitn de naa go laas fi eva. Insted-a dat wi wach di sitn dem we wi kyaahn si kaaz dem de sitn de laas fi eva.

2 Korintiyan 4:18 ပူးပေါင်းရင်းမြစ်များ

2 Korintiyan 5:7

(An iivn duo wi kyaahn si it wi nuo wi a-go get it kaaz wi no liv wi laif bies pan wa wi kyan si wid wi yai dem bot pan wa wi biliiv.)

Iibruu 11:1

Wen wi chos iina Gad it mek wi shuor bout di sitn dem we wi onggl uop se wi a-go get, an wi nuo se di sitn dem we wi kyaahn si, dem de de fi chuu.

1 Jan 2:25

An wa di Bwai Pikni did pramis a dis: im se wi a-go liv fi eva.

Iibruu 11:13

Aal a dem piipl ya we ded did a chos iina Gad siem wie, aal wen dem neehn get iina dem an, di sitn we Gad did pramis. (Dem did si dem fram faar faar — lang bifuo dem apm an dem did wel api). An dem neehn fried fi se dem no kom fram ya-so — dat dem a farina pan ort.

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

2 Tesaluoniyan 2:16

Nou, wi prie tu wi Laad Jiizas Krais imself an wi Faada Gad — Gad lov wi an no tap gi wi gud wod fi mek wi aat chrang, an im mek wi kyan luk faawod tu som gud sitn tu we im pramis fi gi wi, duo wi no dizorv dem at aal at aal.

Iibruu 9:11

Bot Krais Jiizas kom aredi az di liida fi priis fi di gud sitn dem we a kom. An di tent we im go chuu, dat biga an beta dan di ada wan. It no niid notn els fi mek it no beta dan it bi. An a no piipl mek da wan de. Dat miin fi se a no da worl ya it kom fram.