2 Korintiyan 4:13 - Di Jamiekan Nyuu Testiment

¹³ Iina Gad wod sumadi rait se, “Mi chos iina Gad so mi priich im mesij.” An siem laik ou im chos iina Gad, wi chos iina Gad tu, so wi wi gwaan priich tu.

2 Korintiyan 4:13 ပူးပေါင်းရင်းမြစ်များ

2 Korintiyan 3:12

So sins wi kyan luk fi Gad gi wi wa im pramis an nuo fi shuor se wi a get dem, wi no afi aid an taak bout Gad.

1 Korintiyan 12:9

Gad Spirit mek som piipl kyan biliiv iina Gad nof nof, an ada piipl, di Spirit gi dem di powa fi mek sik piipl get beta.

Ruoman 1:12

Wa mi a se a dat mi wel waahn kom si unu so dat wi kyan elp fi bil op wi wan aneda. Unu wi get chrang wen unu si umoch mi chos iina Gad, an unu wi elp mi fi get chrang wen mi si umoch unu chos iina Gad.

2 Piita 1:1

Mi a Saiman Piita, wan a Jiizas Krais sorvant an apasl dem. Mi a wan a di twelv man dem we did a waak wid im. Mi a rait aal a unu we wi Gad, an Jiizas Krais di wan we siev wi, mek biliiv iina im. Im siev wi so unu kuda get fi biliiv iina im jos laik ou wi biliiv iina im. An im du dat kaaz im no paashal at aal at aal, bot kaaz im gud an kain.

Aks 15:11

Nuo man! Wi biliiv a chuu wi Laad Jiizas lov wi iivn duo wi no dizorv it wai im siev wi jos laik ou im siev dem.”

2 Korintiyan 4:12

Wi nuo se wan die dem a-go kil wi kaaz wi priich bout Jiizas, bot wi wi gwaan tiich kaaz unu wi get a chaans fi nuo Jiizas an liv fi eva.