2 Korintiyan 4:12 - Di Jamiekan Nyuu Testiment

¹² Wi nuo se wan die dem a-go kil wi kaaz wi priich bout Jiizas, bot wi wi gwaan tiich kaaz unu wi get a chaans fi nuo Jiizas an liv fi eva.

2 Korintiyan 4:12 ပူးပေါင်းရင်းမြစ်များ

2 Korintiyan 13:9

Wi api wen unu chrang an wi wiik an wa wi a prie se, a dat Gad wi mek unu gwaan gruo chrang iina wa unu biliiv.

1 Jan 3:16

A so wi kom fi nuo riil lov, kaaz Jiizas ded fi wi an a siem wie wi fi mek op wi main fi ded fi wi breda an wi sista dem.

1 Korintiyan 4:10

Nof piipl tingk wi a fuul kaaz wi biliiv iina Krais Jiizas. Bot unu, unu tingk se unu waiz kaaz unu bilang tu Krais. Nof piipl tingk se wi naa no powa fi du notn bot unu, unu tingk se unu av nof powa. Piipl shuo unu rispek bot dem no rispek wi.

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

Filipiyan 2:17

Bot iivn ef dem kil mi an jrien out mi blod laik wain we dem chuo pan sakrifais gi Gad, kaaz unu biliiv iina im an a sorv im, mi wi api. Ye! Mi an unu a-go api tugeda.

2 Korintiyan 12:15

Mi api fi gi op aal we mi av, aal gi we miself, mi wi du aal we mi kyan du fi elp unu. Nou ef mi lov unu so moch, unu fi lov mi les dan dat?

Filipiyan 2:30

Kaaz im aalmuos ded siek-a wa im did a du fi Krais Jiizas. Iivn duo im nuo se im kuda ded, im du fi mi di sitn dem we unu kudn du.

2 Korintiyan 4:11

So iivn duo wi alaiv nou, wi nuo se enitaim, enidie wi kyan ded kaaz wi a priich bout Jiizas. Bot wi wi gwaan priich an sofa til dem kil wi so dat piipl wi luk pan wi badi an nuo se Jiizas alaiv an dat a im a kip wi alaiv.

2 Korintiyan 4:13

Iina Gad wod sumadi rait se, “Mi chos iina Gad so mi priich im mesij.” An siem laik ou im chos iina Gad, wi chos iina Gad tu, so wi wi gwaan priich tu.