2 Korintiyan 4:10 - Di Jamiekan Nyuu Testiment

¹⁰ Evriwe mi go dem mek mi sofa an dem chrai fi kil mi siem laik ou dem di kil Jiizas. Bot mi wi gwaan sofa an priich di Gud Nyuuz so dat piipl wi luk pan mi an nuo se Jiizas alaiv an dat a im a kip wi alaiv.

2 Korintiyan 4:10 ပူးပေါင်းရင်းမြစ်များ

Ruoman 6:5

Kaaz ef wi ded laik ou Jiizas did ded, sins wi an im a wan, wi no wi kom bak alaiv siem laik ou im did kom bak alaiv?

2 Timoti 2:11

Nou lisn mi gud kaaz wa mi bout fi tel yu a no no lai bot a chuu sopm: Ef wi did ded wid im, Wi a-go liv wid im tu.

1 Piita 4:13

Bot unu fi api se unu a sofa laik ou Krais Jiizas did sofa, so unu kyan daans an praans iivn muo wen im kom bak wid aal a di powa, an piipl si ou big, ou laaj an ou powaful im riili bi!

Ruoman 6:8

Nou ef wi did ded wid Krais Jiizas, wi biliiv se wi wi liv wid im tu.

2 Korintiyan 13:4

A chuu se, wen dem did niel im op pan di kraas, im neva shuo im powa — im mek imself wiik, bot Gad powa mek im kom bak alaiv an a liv nou. An siem laik ou im did wiik a siem so mi wiik, bot wan die unu wi si se Gad powa a-go mek mi liv laik ou Krais Jiizas a liv an mi a-go gwaan liv wid im.

2 Korintiyan 1:5

Wi an Jiizas a wan, so wi afi go sofa uol iip siem laik im. Bot jos laik ou wi did afi sofa, a siem so im a-go elp wi an tek kier a wi nof nof kaaz wi an im a wan.

Ruoman 8:36

It rait dong iina Gad wod se: “Kaaz wi bilang tu yu, piipl chrai fi kil wi aal di taim; dem chriit wi laik shiip we dem plan fi kil.”

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

2 Korintiyan 1:9

It did komiin laik se a sen sumadi sen wi fi ded. Bot Gad mek wi go chuu dem sitn de fi tiich wi se wi mos chos iina im, di Gad we mek piipl kom bak alaiv, an no chrai fi yuuz wi uona chrent fi du notn.

Gyalieshan 6:17

Fram nou aan, nobadi fi gi mi no muor chobl kaaz mi av di maak dem pan mi badi we shuo se mi a Gad sliev.

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Revilieshan 1:17

Wen mi si di man, mi fling dong miself a im fut an no muuv — laik se mi ded. Den im chrech out im rait an, an toch mi an se tu mi se, “No bada fried. Mi a di fos an mi a di laas — evriting staat wid mi, an evriting don wid mi.

2 Korintiyan 4:11

So iivn duo wi alaiv nou, wi nuo se enitaim, enidie wi kyan ded kaaz wi a priich bout Jiizas. Bot wi wi gwaan priich an sofa til dem kil wi so dat piipl wi luk pan wi badi an nuo se Jiizas alaiv an dat a im a kip wi alaiv.

1 Piita 4:14

Ef piipl shiem unu, an se aal kain-a bad sitn tu unu kaa unu a fala Krais Jiizas — a bles unu bles. Kaaz a di powaful Spirit — Gad Spirit, kom tan wich paat unu de.