2 Korintiyan 3:4 - Di Jamiekan Nyuu Testiment

⁴ Wi kyan se dem sitn ya an shuor bout dem kaaz wi chos iina Jiizas. An a im mek wi a du di wok we wi a du an kyan tan op infronta Gad an no shiem.

2 Korintiyan 3:4 ပူးပေါင်းရင်းမြစ်များ

2 Korintiyan 2:14

Wi tangk Gad we mek wi eva a win gens di wikid sitn dem we wi fies, chuu wi an Jiizas a wan. Gad yuuz wi fi pred di Gud Nyuuz bout Jiizas aal bout, an da Gud Nyuuz de komiin laik wan swiit swiit sumel.

Ifiijan 3:12

Siek-a Jiizas an kaaz wi chos iina im, im mek wi kyan kom tu Gad frii an no fried a notn.

Filipiyan 1:6

So mi nuo dis fi shuor se a Gad imself staat op da gud wok ya iina unu, an im naa go tap nou. Im a-go gwaan du we im a du iina unu laif, til Jiizas Krais kom baka ort.

1 Tesaluoniyan 1:8

An siek-a wa unu a du, aal piipl we no de iina Masiduoniya an Akaiya ier di Gud Nyuuz. Piipl aal bout a ier ou unu chos iina Gad — so wi no afi bada se notn tu dem,