2 Korintiyan 3:12 - Di Jamiekan Nyuu Testiment

¹² So sins wi kyan luk fi Gad gi wi wa im pramis an nuo fi shuor se wi a get dem, wi no afi aid an taak bout Gad.

2 Korintiyan 3:12 ပူးပေါင်းရင်းမြစ်များ

Jan 10:24

Di Juu liida dem bongl roun im an se, “Ou lang yu plan fi kip tingz fram wi an av wi a wanda? Ef yu a di Krais, jos se it plien an chriet.”

Jan 16:25

“Mi a yuuz picha langwij tel unu dem sitn ya. Taim a kom wen mi naa go taak da wie ya agen. Mi a-go taak tu unu plien an chriet bout mi Faada.

Jan 16:29

Den im falara dem se tu im se, “Si'it de, a nou yu a taak plien an chriet an naa taak iina picha langwij!

Aks 14:3

So Paal an Baanabas tan de fi wan lang taim. An dem neva fried fi priich fi di Laad. Di mesij we dem did a priich bout ou di Laad lov piipl iivn duo dem no dizorv it, di Laad pruuv se a chuu dem did a taak wen im gi dem powa fi du aal kain-a mirikl an sain.

Aks 4:13

Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

Aks 9:27

Bot Baanabas elp im. Im tek im tu di apasl dem. Im tel dem ou Saal si di Laad Jiizas wen im did a go a Damaskos, ou di Laad taak tu im, an ou im neva fried fi priich tu di piipl iina Damaskos bout Jiizas.

Aks 9:29

Im taak bout Jiizas an riizn wid di Juu dem we taak Griik. Bot dem chrai fi kil im.

1 Korintiyan 14:19

Bot wen choch a kip mi wuda prefa fi se faiv wod we piipl kyan andastan an lorn fram dan fi go se ten touzn wod iina tongz.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

2 Korintiyan 3:11

Nou ef di Laa we neva laas no taim did kom wid da brait brait lait de, di Nyuu Diil we a-go laas fi eva no mos kom wid wan muor powaful lait dan dat.

2 Korintiyan 4:13

Iina Gad wod sumadi rait se, “Mi chos iina Gad so mi priich im mesij.” An siem laik ou im chos iina Gad, wi chos iina Gad tu, so wi wi gwaan priich tu.

2 Korintiyan 7:4

Mi chos unu so mi nuo se mi kyan taak tu unu chriet an unu naa go tek it no wie. Mi proud a unu so til. Wen mi tingk bout unu, it push mi fi gwaan du di wok we mi a du. Iivn wen nof chobl a lik mi, unu mek mi api. Unu mek mi api so til mi glad-bag bos.

Filipiyan 1:14

An siek-a ou mi iina prizn, muos a di breda an sista dem get briev an a priich Gad wod, an no friedi-friedi no muor.

Filipiyan 1:20

So diip dong iina mi aat, mi riili chos se notn we mi du ar we mi se a-go mek mi shiem. Bot laik mi aalwiez du, an a du rait ya nou, mi eva a-go priich an no fried a notn, an mi eva a-go mek Krais Jiizas get nof rispek, weda mi ded ar alaiv.

Koloshan 4:4

Prie se mi wi get fi mek di piipl dem nuo bout da mesij ya, an dat mi wi kyan tel dem it plien plien so dem kyan andastan. Kaaz a dat mi fi du.

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

1 Timoti 3:13

Piipl wi rispek di diikan dem we du wan gud jab, an kaaz piipl rispek dem, di diikan dem kyan taak bout dem chos iina Jiizas an no fried a notn.

Failiiman 1:8

Nou, chuu mi a wan a Gad apasl, mi kuda aada yu fi du wa yu sopuoz fi du.