2 Korintiyan 2:15 - Di Jamiekan Nyuu Testiment

¹⁵ Kaaz wi komiin laik di swiit sumel we insens gi aaf — di insens dem we Jiizas gi Gad. An da sumel de pred out mongks di piipl we a get siev an mongks di piipl dem we naa go get siev.

2 Korintiyan 2:15 ပူးပေါင်းရင်းမြစ်များ

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

1 Korintiyan 1:18

Kaaz di mesij bout ou Jiizas ded pan di kraas fi wi, komiin laik fuulinish tu di wan dem we no biliiv an we a-go go a el. Bot tu wi, di wan dem we siev, it shuo ou Gad powaful.

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

2 Tesaluoniyan 2:10

Im a-go du aal kain-a wikidnis fi chrik op di piipl dem we boun fi ded, kaaz dem did ton dem bak, an neehn lov di chuut we wuda siev dem.