2 Korintiyan 2:14 - Di Jamiekan Nyuu Testiment

¹⁴ Wi tangk Gad we mek wi eva a win gens di wikid sitn dem we wi fies, chuu wi an Jiizas a wan. Gad yuuz wi fi pred di Gud Nyuuz bout Jiizas aal bout, an da Gud Nyuuz de komiin laik wan swiit swiit sumel.

2 Korintiyan 2:14 ပူးပေါင်းရင်းမြစ်များ

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Ruoman 1:8

Di fos ting mi waahn fi se a dat mi tangk Gad fi aal a unu. Mi kyan tangk im siek-a wa Jiizas Krais du fi di uol a unu. An mi tangk im fi unu kaaz unu biliiv an chos iina Jiizas Krais so moch dat piipl aal uova di worl a taak bout unu.

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

Ruoman 6:17

Bot tangk Gad, iivn duo unu a did sin sliev, unu fala wid aal a unu aat, aal a di chuu sitn dem we mi did tiich unu.

Ruoman 8:37

Bot no mata we apm ar wa wi go chuu, Krais Jiizas, di wan we lov wi wi kaaz wi fi muor dan win.

1 Korintiyan 12:8

Gad Spirit mek som piipl kyan taak tingz we waiz, an ada piipl, Gad Spirit mek dem se tingz we ful op a wa Gad waahn piipl fi nuo.

1 Korintiyan 15:37

An wa yu plaant, a no so it a-go luk wen it gruo. Yu plaant suo-so siid, miebi wan wiit grien ar som ada kain-a siid, bot wen it gruo it no luk siem wie.

1 Korintiyan 15:57

Bot tangk Gad kaaz a im sen wi Laad Jiizas Krais so dat wi kuda win an dat det kuda luuz.

2 Korintiyan 1:11

Unu mos prie se Gad wi elp wi tu. Kaaz wen Gad ansa unu prieya an bles wi, nof ada piipl wi staat fi gi Gad tangks fi aal we im du fi wi.

2 Korintiyan 8:16

Wi tangk Gad kaaz im mek Taitos lov an kier fi unu siem laik wi lov an kier fi unu.

2 Korintiyan 9:15

Tangk Gad fi di gif we im gi wi. Da gif de so big an so gud mi no iivn nuo ou fi taak bout it.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Ifiijan 5:20

Unu fi gi tangks tu Faada Gad aal di taim fi evriting. Unu fi gi im tangks siek-a wa di Laad Jiizas du fi unu.

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

Koloshan 2:15

An so, im tek we di powa fram aal a di spirit dem we did a ruul an we did av powa, an shiem dem infronta evribadi. A biit im biit dem wen im ded pan di kraas.

1 Tesaluoniyan 1:8

An siek-a wa unu a du, aal piipl we no de iina Masiduoniya an Akaiya ier di Gud Nyuuz. Piipl aal bout a ier ou unu chos iina Gad — so wi no afi bada se notn tu dem,

1 Tesaluoniyan 3:9

Wi kyaahn tangk Gad inof fi unu, an fi ou api unu mek wi fiil wen wi go bifuo Gad.

1 Timoti 2:8

So mi aks dat wen unu kom tugeda fi worship Gad, dat aal a di man dem wi lif op dem an, an prie. Dem man ya laif mos kliin an wen dem a prie dem no fi av op nobadi iina dem aat ar a kwaril wid dem wan aneda.

2 Timoti 2:2

Yu si di sitn dem wa yu ier mi tiich an priich bout Jiizas Krais infronta nof piipl, yu fi tiich it tu piipl we yu kyan chos an we kyan tiich tu. Tiich it tu dem so dat dem kyan go tiich ada piipl.

Revilieshan 7:12

an se: “Iemen! Wi Gad, wi gi yu priez an ana an rispek. Yu waiz, an powaful an chrang an wi aalwiez gi yu tangks fi eva an eva. Iemen!”