2 Korintiyan 2:12 - Di Jamiekan Nyuu Testiment

¹² Nou wen mi go a Chuowas fi priich di Gud Nyuuz bout Jiizas, mi fain se di Laad did don mek wan wie fi mi taak tu di piipl dem.

2 Korintiyan 2:12 ပူးပေါင်းရင်းမြစ်များ

Aks 16:8

So dem paas chuu Misiya an go dong a Chuowas.

Aks 14:27

Wen dem riich a Antiyak, Paal an Baanabas gyada op di choch piipl an tel dem evriting we Gad did gi dem powa fi du, an ou Gad gi di piipl we a no Juu di chaans fi biliiv iina im.

Koloshan 4:3

An beg unu du, prie fi wi tu. Prie se Gad wi klier di wie, so wi kyan pred di siikrit mesij bout Krais Jiizas — di mesij we nobadi neehn nuo bout. A siek-a da mesij ya dem chien mi op an av mi a prizn ya-so nou.

1 Korintiyan 16:9

kaaz mi av a gud chaans fi du som wok dong de we wi elp fi siev piipl, iivn duo nof piipl we fait gens mi dong de.

Ruoman 1:1

Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

Aks 20:8

Nou uol iip a lamp did iina di ruum opstiez we wi did av di miitn.

Aks 16:11

Den wi tek wan buot fram Chuowas an fala wan chriet lain go a Samachries. Di neks die wi siel go a Niyapolis.

1 Korintiyan 9:12

Ef unu av ada piipl we unu afi sopuot, unu no tingk se unu shuda waahn sopuot wi muor dan dem? Bot iivn duo wi kuda tel unu fi sopuot wi, wi no aks unu fi notn. Wi go chuu evri an eniting so dat wi no tap nobadi fram biliiv di Gud Nyuuz bout Jiizas Krais.

1 Korintiyan 9:14

A siem so di Laad se dat di wan dem we go roun an tiich di Gud Nyuuz fi get wa dem niid fi liv fram di piipl dem we dem a tiich.

1 Korintiyan 9:16

Mi kyaahn buos bout di fak se mi a priich di Gud Nyuuz kaaz a Gad aada mi fi du dat. An ef mi no priich di Gud Nyuuz, Gad wuda ponish mi.

2 Korintiyan 4:3

An iivn ef som piipl kyaahn andastan di Gud Nyuuz we wi priich, a onggl di piipl we no biliiv an we a-go ded, kyaahn andastan it.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

2 Korintiyan 8:18

A no jos Taitos a kom, wi a sen wan a wi breda dem wid im. Da breda de, im priich Gad wod, an aal a di choch piipl dem rispek im siek-a di gud wok we im a du.

2 Korintiyan 9:13

Siek-a wa unu a du, dem wi priez Gad kaaz unu biliiv an fala di Gud Nyuuz bout Krais Jiizas an kaaz unu shier wa unu av wid dem an ada piipl tu.

2 Korintiyan 10:14

So wi neva did a paas wi plies wen wi buos bout unu kaaz wi a di fos wan fi kom tu unu an priich di Gud Nyuuz bout Krais Jiizas. Ef a neva wi kom priich tu unu, wi kudn a brag an buos bout unu.

2 Korintiyan 11:4

Kaaz wi tel unu bout Jiizas an unu tek di Uoli Spirit we Gad gi unu an unu biliiv di mesij we wi priich. Bot mek sumadi nyuu kom an tel unu bout wan difrant Jiizas an unu redi fi lisn an tek di spirit we dem a gi an biliiv di mesij we dem a priich.

2 Korintiyan 11:7

Wen mi priich Gad Gud Nyuuz bout Jiizas tu unu, mi did du it fi frii, mi neva chaaj unu notn. Mi put miself dong luo so dat mi kuda lif unu op. A sin mi did a sin wen mi du dem sopm de?

1 Tesaluoniyan 3:2

An wi sen Timoti tu unu. Timoti wi breda, we a wok wid Gad an a priich di Gud Nyuuz bout Krais Jiizas. Wi sen im fi bil unu op iina wa unu biliiv, an fi mek unu kyan uol aan,