2 Korintiyan 2:11 - Di Jamiekan Nyuu Testiment

¹¹ Wi fi paadn im so dat Sietan no win kaaz wi nuo se im eva a luk fi wan wie fi kaaz chobl an mek piipl ton we fram Gad.

2 Korintiyan 2:11 ပူးပေါင်းရင်းမြစ်များ

Matyu 4:10

Jiizas ansa bak, “Muuv an gu we fram mi Sietan! It rait dong se, ‘Yu fi worship di Laad we a yu Gad, an a im wan yu fi sorv.’”

Luuk 22:31

“Saiman, Saiman, Sietan aks fi sib unu chuu chriena laik flowa.

Jan 13:2

Sopa did a sorv, an di devl did don put it iina Juudas, Saiman bwai pikni, aat fi sel out Jiizas.

Aks 1:25

fi tek uova di apasl wok we Juudas did av. Kaaz Juudas get wa im dizorv.”

1 Korintiyan 7:5

Wen unu marid unu onggl fi tap sliip wid unu wan aneda ef di tuu a unu mek op unu main fi tap so unu kyan spen som taim a prie. An unu onggl fi du dat fi a shaat taim. Wen di taim paas unu fi go bak go sliip wid unu wan aneda so dat Sietan kyaahn kaaz unu fi du notn rang kaaz unu kyaahn kanchuol unu badi.

2 Korintiyan 11:14

An mi no sopraiz se dem chrai fi du dat kaaz iivn sietan imself chrai fi chrik piipl an jres op imself laik wan a Gad ienjel wid wan brait lait roun im.

2 Korintiyan 11:3

Bot mi fried se, jos laik ou di siniek di chrik op Iiv, sumadi a-go chrik unu an kaaz unu fi ton we fram Krais Jiizas an tap fala im wid aal a unu aat.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

2 Timoti 2:25

Gad sorvant, wen im a karek di wan dem we go gens di chuut, fi tek im taim wid dem. Kaaz Gad mait-a mek dem chienj dem wiez an lorn di chuut.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

Revilieshan 2:24

Nou dis a wa mi a tel di res a unu we de a Taiyataira, unu we naa fala di laiyad sitn dem we Jezibel a tiich an we no nuo notn bout wa dem kaal di siikrit sitn dem we Sietan shuo dem — mi naa put no muo presha pan unu.