2 Korintiyan 13:5 - Di Jamiekan Nyuu Testiment

⁵ Unu fi luk pan unuself. Luk an tes fi si ef unu riili a liv laik ou piipl we biliiv iina Gad sopuoz fi liv. Unu no nuo se Jiizas Krais a liv iina unu? Ef unu no si se im a liv iina unu a fiel unu fiel di tes.

2 Korintiyan 13:5 ပူးပေါင်းရင်းမြစ်များ

1 Korintiyan 11:28

Bifuo dem nyam di bred ar jringk fram di kop, evribadi mos luk pan demself an mek shuor se dem a tek paat fi di rait riizn.

1 Korintiyan 9:27

Nuo mi no mek mi badi kanchuol mi, mi kanchuol mi badi an mek it du wa mi waahn it fi du. Da wie de afta mi don priich di Gud Nyuuz Gad kyaahn se mi no dizorv fi mi praiz.

Revilieshan 2:5

So memba ou faar unu jrap bak fram di lov unu yuuz tu av fi wan aneda. Ton we fram unu sin an staat du di rait sitn dem we unu yuus tu du wen unu did jos get siev. Ef unu no du dat, mi a-go kom tek we unu guol sitn we unu yuuz fi uol kyanggl fram we it de.

Gyalieshan 6:4

Evribadi mos luk iina demself an si ef wa dem a du rait. Unu no fi luk pan nobadi fi si ef unu rait, unu mos onggl luk pan unuself. An den ef wa unu a du rait, unu kyan api wid unuself

Iibruu 12:15

Gad lov wi iivn duo wi no dizorv it, so mek shuor se nobadi no ton dem bak pan wa im du fi dem. An mek shuor se nobadi no galang laik bita ruut we gruo kom ton bita chrii. Dem piipl de wi kom kom mek chobl an brok out wan bag a piipl. Mek shuor se dat no apm.

1 Korintiyan 11:31

Ef wi did a luk pan wiself an riili a tingk bout wa wi a du wen wi nyam di Laad sopa, Gad wudn ponish wi so.

Taitos 1:16

Dem se dem nuo Gad, bot dem no gwaan laik se dem nuo im. Dem de kain-a piipl de sik Gad tumok. Dem no du wa im se an dem so woklis dat dem kyaahn du notn gud.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

Jan 14:23

Jiizas se tu im se, “Ef sumadi lov mi den da sumadi de a-go du wa mi se dem fi du. Mi Faada a-go lov dem, an di tuu a wi a-go liv wid dem.

Ruoman 8:10

Bot ef Krais Jiizas a liv iina unu, di Spirit wi kaaz unu fi liv. Unu badi a-go ded kaaz a unu sin bot unu spirit a-go liv. Krais Jiizas mek unu liv kaaz Gad put tingz rait bitwiin unu an im.

Iibruu 4:1

So wi fi mek shuor se Gad no pramis fi gi wi piis an res an wi en op no get it kaaz wi gilti a sopm.

1 Korintiyan 9:24

Unu no nuo se aal di rona dem we go a stiediyom ron gens dem wan aneda, bot a onggl wan a dem kyan win? So unu mos ron laik se unu waahn fi win.

1 Korintiyan 3:16

Unu no nuo se unu badi a Gad ous an dat im Spirit a liv iina unu?

Jan 15:4

Tan wid mi, an mi wi tan wid unu. Wan branch kyaahn bier fruut pan it uon; it afi tan pan di chrii. A siem wie unu naa go kyan bier fruut ef unu no tan wid mi.

Taitos 2:2

Tel di uolda man dem se dem no fi go uova buod wid notn. Dem fi kanchuol demself an liv so piipl kyan rispek dem. Di uolda man dem fi eva chrang iina wa dem biliiv, aalwiez shuo lov an neva gi op.

Ifiijan 3:17

Chuu unu chos iina Krais Jiizas, mi prie se im wi liv iina unu aat. Unu tan chrang iina Gad lov jos laik ou chrii tan op chrang wen dem ruut gaan dong diip iina di grong. Siek-a dat,

Jan 17:26

Mi mek dem nuo yu, an mi a-go gwaan mek dem nuo yu, so dat dem mait-a kyan lov dem wan aneda siem laka ou yu did lov mi, an so mi kyan liv iina dem.”

Jan 17:23

mi iina dem an yu iina mi — so dem kyan komiin laka wan, an so di piipl dem iina di worl mait-a nuo se a yu sen mi kom, an dat yu lov mi falara dem siem laka ou yu lov mi.

Jiemz 4:4

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

Koloshan 2:7

So, jos laik ou chrii ruut de diip iina grong, a so fi unu ruut fi beri diip dong iina im. An jos laik ou bildin tan op pan sopm, a im unu fi bil unu laif pan. Dat miin se unu fi dipen pan im muo an muo an du wa im tel unu fi du. Unu fi uol aan chrang an gwaan chos iina im jos laik ou wi did tiich unu fi du. An no figet fi gi Faada Gad tangks aal di taim.

Koloshan 1:27

Gad did waahn dem nuo umoch im riili riili bles unu — unu piipl we kom fram aal bout. Da mesij ya se Krais Jiizas liv iina unu aat, an unu kyan luk fi kom si an nuo ou Gad big an powaful.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Gyalieshan 4:19

Mi pikni we mi lov, jos laik ou mada go chuu nof pien wen dem a av biebi — a siem so mi a fiil pien fi unu. An mi naa go tap fiil pien til unu an Jiizas a wan, an unu staat fi biyiev laik im.

2 Korintiyan 6:16

Faalz gad kyan de iina Gad choch? Unu badi a di ous fi di Gad we kyaahn ded. Gad imself se: “Mi wi liv iina dem aat an mi wi waak wid dem. Mi wi bi dem Gad an dem a-go bi mi piipl.”

1 Korintiyan 6:19

Unu no nuo se unu badi a di ous fi di Uoli Spirit we Gad gi unu? Unu no de pan unu uon.

1 Korintiyan 6:2

Unu no nuo se a Gad piipl a-go joj di worl? An ef a unu a-go joj di worl, unu no tingk se unu kyan manij fi saat out di likl aagiment dem we unu av mongks unu wan aneda?

Jan 6:56

Enibadi we nyam mi badi an we jringk mi blod kluos tu mi, an mi kluos tu dem.

Jan 6:6

(Jiizas did nuo we im did a-go du aredi, bot im se dat tu Filip kaa im did waahn fi fain out wa im wuda se.)

1 Piita 5:9

Fait im aaf. No du wa im tel unu fi du, an tan op chrang an chos Jiizas, kaaz unu nuo se a no unu wan a go chuu dis, unu breda an sista dem we de aal uova di worl a go chuu di siem kain-a sofarieshan.

Iibruu 6:8

Bot di grong we onggl mek makabush an we eva wiid op wiid op, da grong de naa no yuus, an Gad suun mek it kyaahn bier notn; faiya a-go en op bon it dong.

1 Korintiyan 6:15

Unu no nuo se fi unu badi a paat a Krais Jiizas badi. So den, mi fi tek di piipl dem we mek op im badi an mek dem go sliip wid uman we sel ar badi fi moni — an mek dem ton paat a fi ar badi? Nuo sa!

Ruoman 1:28

Dem nuo di chuut bout Gad bot dem mek op dem main se dem naa biliiv it. So Gad lef dem fi du aal a di sitn dem we dem doti main tel dem fi du im lef dem fi du di sitn dem we dem no fi du.

Taitos 1:13

Im neva did a lai wen im se so. Dat miin se yu afi set dem chriet an karek dem aad aad, so dat dem wi biliiv iina di chuut

2 Timoti 3:8

Siem wie Janis an Jambres did go gens Muoziz, a siem wie dem man ya go gens di chuut. Dem faalz tiicha ya, dem main mes op an dem naa tingk chriet. Dem man ya a fiek, dem a no riili Gad piipl.

1 Timoti 2:15

Bot Gad gweehn siev di uman chuu ar pikni. Im gweehn siev di uman dem ef dem gwaan biliiv iina im, shuo lov an liv ou im waahn dem fi liv.

Koloshan 2:19

Jiizas Krais a di ed, an dem no diil wid di ed no muo. A di ed kanchuol di badi. An di uol badi dipen pan it. Di ed mek di jaint an di mosl dem kom tugeda, an a dem uol op di badi. A dat mek evri paat a di badi wok tugeda, an so di badi gruo ou Gad waahn it fi gruo.