2 Korintiyan 13:11 - Di Jamiekan Nyuu Testiment

¹¹ Breda an sista, aal mi av fi se fi don da leta ya a dat mi uop se unu wi api. Chienj unu wiez an liv ou unu sopuoz fi liv. Mi a beg unu lisn an fala aal we mi tel unu. Kom tugeda an biliiv di siem ting an liv iina piis wid unu wan aneda. An Gad we lov wi an we gi wi piis wi tan wid unu aalwiez.

2 Korintiyan 13:11 ပူးပေါင်းရင်းမြစ်များ

Matyu 1:23

Di prafit did se, “Lisn op! Di uman we neehn sliip wid no man a-go get biebi — a wan bwai shi a-go av, an dem a-go kaal im Imanyuwel.” Da niem de miin, “Gad de ya wid wi.”

Matyu 5:48

So ier mi nou, unu no fi gud onggl somtaim an onggl tu som piipl; nobadi no fi av notn bad fi se bout unu, tan jos laik unu faada we iina evn — im gud aal di wail, tu evribadi, an nobadi kyaahn se notn bad bout im an a taak chuut.”

Maak 10:49

So Jiizas tap an se, “Kaal im.” So dem kaal di blain man an tel im se, “Tek aat! Git op! Im a kaal yu.”

Maak 9:50

“Saalt gud, bot ef di ties gaan, ou yu a-go mek it ties laik saalt agen? Mek di Gud Nyuuz komiin laik saalt mongks unu an kaaz unu fi liv iina piis wid wan aneda.”

Luuk 9:61

Den sumadi els se tu Jiizas, “Mi wi fala yu Laad, bot mek mi go tel mi fambili ba-bai fos.”

Jan 17:23

mi iina dem an yu iina mi — so dem kyan komiin laka wan, an so di piipl dem iina di worl mait-a nuo se a yu sen mi kom, an dat yu lov mi falara dem siem laka ou yu lov mi.

Aks 15:29

Unu no fi nyam no fuud we piipl tek bon sakrifais gi faalz gad, no nyam ar jringk no blod, no nyam miit fram animal we eng ar we blod neva bliid out wen dem ded. Unu fi kip we fram aal saat a seks sin. Ef unu kip we fram aal a dem sitn de, unu a du di rait ting. Unu tek kier.

Aks 18:21

So im tel dem ba-bai an se, “Ef Gad waahn mi fi kom bak tu unu agen, mi wi kom bak.” Den im go pan wan ship an lef fram Efisos,

Aks 23:30

Wen mi lorn se dem did a set op wan siikrit plan fi kil di man, mi sen im tu yu siem taim an aada im enimi dem fi kom tu yu kom saat out dem prablem.

Ruoman 12:16

Liv gud wid unu wan aneda. No get ful-a unuself an fiil laik se unu kyaahn du sortn wok ar taak tu sortn an sortn piipl. Insted-a dat ombl unuself.

Ruoman 12:18

Ef it kyan apm, du evriting we unu kyan du fi mek shuor se unu liv iina piis wid evribadi.

Ruoman 14:19

So den mek wi aalwiez chrai fi du di sitn dem we kaaz piipl fi liv iina piis an we wi elp fi bil op wi wan aneda.

Ruoman 15:13

Mi prie se Gad, Gad we kaaz piipl fi luk fa an nuo fi shuor se dem wi get wa im pramis, mi prie se im wi gi unu piis iina unu aat an mek unu aat api, api kyaahn don kaaz unu biliiv iina im. Mi prie se im du dat, so dat di Uoli Spirit wi kaaz unu muor an muor fi luk fi get di sitn dem we Gad pramis an nuo fi shuor se yu wi get dem.

Ruoman 15:33

Nou mi prie se Gad we gi piipl piis iina dem aat wi tan wid di uol a unu. Iemen!

Ruoman 16:20

Suun, Gad we gi piipl piis iina dem aat, wi put Sietan anda yu fut an mash im op. Mi prie se di Laad Jiizas Krais wi shuo unu lov iivn duo wi no dizorv it.

1 Korintiyan 1:10

Nou iina wi Laad Jiizas Krais niem, mi a beg unu breda an sista fi tap aagyu wid unu wan aneda an plit op plit op di choch iina gruup. Unu niid fi kom tugeda an mek shuor se aal a unu tingk di siem wie an aal a unu mek op unu main fi du di siem sitn.

2 Korintiyan 1:4

Wen wi a go chuu aal kain-a kraasiz an sofarieshan, a im kom elp wi an push wi fi gwaan tan chrang. Im du dat so wi kyan ton roun an elp ada piipl we a go chuu sofarieshan, no mata wa kain-a chobl dem av, an elp dem siem laik ou im elp wi.

2 Korintiyan 13:9

Wi api wen unu chrang an wi wiik an wa wi a prie se, a dat Gad wi mek unu gwaan gruo chrang iina wa unu biliiv.

Ifiijan 4:12

Im du aal a dis ya fi get Gad piipl redi fi du Gad wok an fi elp di choch fi gruo chrang

Ifiijan 4:3

Di Uoli Spirit mek di uol a unu ton wan. So du unu bes an mek shuor se unu liv gud wid unu wan aneda.

Ifiijan 6:23

Mi prie se Faada Gad an wi Laad Jiizas Krais wi elp aal a unu we chos iina im, fi liv iina piis an lov unu wan aneda.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Filipiyan 3:16

Eniwie, mek wi gwaan uol aan pan wa Gad mek wi nuo aredi.

Filipiyan 4:2

Mi a beg Yuodiya an mi a beg Sinteki, fi di Laad siek, liv gud wid unu wan aneda.

Filipiyan 4:4

Unu fi eva api, kaaz unu an di Laad a wan! Mi a se it agen, unu fi api!

Filipiyan 4:9

Di sitn dem we unu lorn, an we unu get fram mi, an we unu ier an si mi du, a dem sitn de unu fi aalwiez du. Wen unu du dem sitn de, Gad, di onggl wan we kyan gi unu piis iina unu aat an main, im wi bles unu.

1 Tesaluoniyan 3:10

Nait an die wi prie aad aad fi unu, a aks Gad fi mek wi si unu agen, so wi kyan gi unu wat-eva unu niid fi chos im iina evri wie, laik wa unu sopuoz fi a du.

1 Tesaluoniyan 4:1

Nou, breda an sista, fi don wa wi did a se bifuo: wi did don tiich unu aredi ou fi liv so Gad wi api wid unu (an wi nuo se a so unu a liv). Bot, wi a aks unu, an a beg unu iina di Laad Jiizas niem fi liv so muo an muo.

1 Tesaluoniyan 4:18

So, yuuz dem wod ya elp unu wan aneda, so unu aat wi no evi dong.

1 Tesaluoniyan 5:13

Unu fi gi dem nof rispek an shuo dem ou unu tingk dem impuotant. Unu fi lov dem siek-a aal we dem du. Liv iina piis mongks unu wan aneda.

1 Tesaluoniyan 5:16

Unu fi tan api aal di taim.

1 Tesaluoniyan 5:23

Wi prie se Gad imself we gi piipl piis, wi put unu wan said fi liv fi im an sorv im wid aal a unu aat, an wi mek unu tan jos laik im iina evri wie. An wi prie se im wi no mek no paat a unu — spirit, suol ar badi, kyan get bliem fi notn wen wi Laad Jiizas Krais kom bak.

2 Tesaluoniyan 2:16

Nou, wi prie tu wi Laad Jiizas Krais imself an wi Faada Gad — Gad lov wi an no tap gi wi gud wod fi mek wi aat chrang, an im mek wi kyan luk faawod tu som gud sitn tu we im pramis fi gi wi, duo wi no dizorv dem at aal at aal.

2 Tesaluoniyan 3:1

Breda an sista ier wa wi a se bifuo wi don ya-so — wi a beg unu fi prie fi wi. Prie se Gad mesij wi pred faas faas an piipl wi ana it no mata wich paat it go, jos laik wa did apm wen it kom tu unu.

2 Tesaluoniyan 3:16

Nou mi prie se di Laad imself we gi piis, wi gi unu piis iina unu aat fi eva, no mata wa a gwaan. An mi prie se im wi tan wid di uol a unu.

2 Timoti 2:22

So ron we fram di wikid sitn dem we di yong piipl dem waahn fi du an chrai aad aad fi du we rait. Yu mos liv ou Gad waahn yu fi liv an yu fi shuo lov an tek taim wid ada piipl. Chos iina Jiizas an no gi op. Timoti dis a wa yu fi du. An aal a di piipl dem we worship Gad wid wan kliin aat fi du it tu.

Iibruu 12:14

Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.

Iibruu 13:20

Gad gi wi piis iina wi aat. Im tek di blod we mek di nyuu plan bitwiin wi an im laas fi eva, an mek di ed shepad fi di shiip dem kom bak alaiv — dat a wi Laad Jiizas Krais. Mi prie se di Gad, we du aal a dem sitn ya

Jiemz 1:4

Unu fi gwaan uol aan chrang no mata wa apm an chos iina Gad so unu kyan bi aal we Gad waahn unu fi bi, an so unu wi no shaat a notn.

1 Piita 3:11

Dem fi ton we fram wikidnis an du di gud sitn dem. An dem fi chrai aad fi liv iina piis wid dem wan aneda.

1 Piita 3:8

Dis a di laas ting mi a se ya-so. Di uol a unu fi kom tugeda laik se unu a wan sumadi an chrai fi andastan wa unu wan aneda a go chuu. Unu fi lov unu wan aneda laik ou breda an sista lov dem wan aneda. Unu mos kip unu wan aneda neks tu unu aat an shuo umoch unu kier fi dem. An unu mos ombl unuself mongks unu wan aneda tu.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

Revilieshan 22:21

Mi prie se di Laad Jiizas wi shuo aal a im piipl lov iivn duo wi no dizorv it. Iemen!