2 Korintiyan 12:6 - Di Jamiekan Nyuu Testiment

⁶ Bot iivn ef mi buos bout di sitn dem we apm tu mi, mi wudn a gwaan laik se mi a fuul, kaaz mi wuda a taak di chuut. Bot mi naa go du dat. Mi naa du it kaaz mi no waahn non a unu fi big mi op an rispek mi jos kaaz a di sitn dem we apm tu mi. Mi waahn unu fi rispek mi siek-a wa unu si an ier mi tiich.

2 Korintiyan 12:6 ပူးပေါင်းရင်းမြစ်များ

Ruoman 9:1

Mi a taak di chuut; mi bilang tu Krais Jiizas an mi naa lai. Di Uoli Spirit kanchuol fi mi kanchens an mi kanchens naa bada mi. So mi nuo fi shuor se mi a taak di chuut wen mi se

1 Korintiyan 3:5

Afta aal, uu a Apalos? An uu a Paal? A wi kom priich tu unu an mek unu biliiv bot di tuu a wi did onggl a du wa Gad se wi fi du. Wi a onggl Gad sorvant.

2 Korintiyan 1:18

Wi kyan chos Gad, im no lai, an im a wi witnis kaaz wi neva tel unu “yes” an den likl afta dat tel unu “nuo.”

2 Korintiyan 11:16

Mi wi se it agen, mi no waahn non a unu fi tingk se mi a fuul. Bot ef unu tingk se mi a wan fuul, chriit mi laik ou yu wuda chriit di ada fuul dem an lou mi fi brag an buos likl.

2 Korintiyan 11:31

Di Gad an Faada fi di Laad Jiizas Krais, nuo se mi naa lai. Mek piipl priez im niem fi eva!

2 Korintiyan 12:11

Mi did a gwaan laik se mi a fuul! A unu fuos mi fi du it. Unu a di wan dem we shuda a taak gud bout mi kaaz dem “big apasl” de no av notn we mi no av. Iivn duo mi a no nobadi, dem no muor dan mi.

2 Korintiyan 12:7

An fi tap mi fram get buosi bout di sitn dem we mi si, Gad lou wan a sietan ienjel dem fi komiin laik maka iina mi said. Da ienjel de aalwiez a kaaz mi pien so dat mi wi no get buosi.

2 Korintiyan 5:13

Som piipl tingk se mi mad, an ef a mad mi mad, dat a fi mi an Gad saat out. Bot ef a no mad mi mad, an a sens mi a taak, a fi elp unu.

2 Korintiyan 7:14

Mi buos bout unu tu im an unu neva kaaz mi fi shiem. Kaaz jos laik ou evriting wi tiich unu a chuu, a siem so im kom fi si se evriting we mi did se bout unu a chuu tu.