2 Korintiyan 12:2 - Di Jamiekan Nyuu Testiment

² Mi nuo wan man, wan a Krais Jiizas falara dem, wa fuotiin ier ago, im get tek op iina di aiyis paat a evn. (Mi no nuo ef im badi did get tek op ar a jos im spirit di go a evn — a onggl Gad nuo.)

2 Korintiyan 12:2 ပူးပေါင်းရင်းမြစ်များ

Aks 22:17

“Afta mi go baka Jeruusilem, mi did iina Gad ous a prie an mi get wan vijan.

Revilieshan 4:2

Siem taim di Uoli Spirit tek kanchuol a mi, an mi si wan chuon iina evn wid sumadi sidong pan it.

1 Tesaluoniyan 4:17

Den wi we stil a liv, an we de pan ort siem wie, wi an dem a-go get tek op iina di kloud dem fi miit di Laad iina di ier an a so wi a-go en op de wich paat di Laad de fi eva.

2 Korintiyan 11:11

Wa mek mi naa presha unu fi gi mi notn? Unu tingk se a kaaz mi no lov unu? Gad nuo se mi lov unu.

Revilieshan 12:5

Shi av wan bwai biebi. Ar biebi a-go ruul aal a di piipl dem iina di worl. A im a-go ron tingz an im naa go tek piti pan non a im enimi dem. An bifuo yu kuda kwint, ar pikni get tek op iina evn an go sidong pan Gad chuon.

Iibruu 9:24

Kaaz Krais Jiizas neehn go iina wan tent we piipl mek, we did jos a ak laik di riil tent — nuo sa! Im go iina evn itself an de de wid Gad nou, fi elp wi.

Ifiijan 4:10

Di siem wan we go dong iina di diip paat a di ort, a im siem wan go op a di ai ai plies, ai op muor dan di skai. Im du dat, so dat im kuda ruul di uol worl.)

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Gyalieshan 1:22

Bot di piipl we fala Jiizas an we go di choch dem iina Judiya neva nuo we mi luk laik.

2 Korintiyan 5:17

Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

Ruoman 16:7

Anjranikos an Juuniyas, mi kombolo uu did iina prizn wid mi, oudi tu unu. Aal a di apasl dem nuo dem gud gud an rispek dem an dem did biliiv iina Krais Jiizas bifuo mi.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

Aks 14:6

Paal an Baanabas fain out wa dem did a plan fi du an ron we go a Lischra an Dorbi iina Likuoniya an di dischrik dem nier de.

Jan 6:56

Enibadi we nyam mi badi an we jringk mi blod kluos tu mi, an mi kluos tu dem.

Luuk 24:51

Siem taim Jiizas a bles dem, im get tek op iina evn an im lef dem.

Revilieshan 1:10

Pan di die wen piipl gyada fi worship di Laad, di Uoli Spirit tek kanchuol a mi. Den mi ier wan vais baka mi, an di vais loud an klier laik wan chompit.

2 Korintiyan 13:5

Unu fi luk pan unuself. Luk an tes fi si ef unu riili a liv laik ou piipl we biliiv iina Gad sopuoz fi liv. Unu no nuo se Jiizas Krais a liv iina unu? Ef unu no si se im a liv iina unu a fiel unu fiel di tes.

2 Korintiyan 5:21

Jiizas neva sin yet bot Gad put fi wi sin pan im, so dat wi kuda get kliin. Da wie de wen wi biliiv iina Jiizas, tingz wuda rait bitwiin wi an Gad.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

Ruoman 16:3

Tel Priska an Akwila oudi fi mi. Dem wok wid mi fi Jiizas Krais

Ruoman 16:9

Orbanos we wok wid wi fi Jiizas Krais an mi gud gud fren Stiekis, tel di tuu a dem oudi fi mi.

Ruoman 16:10

Tel Apelez we go chuu nof chraiyal an kraasiz an pruuv se im a Gad sorvant oudi fi mi. An tel aal a di piipl we liv a Aristobyuulos ous oudi fi mi tu.

Iibruu 4:14

Wi av wan liida fi di priis dem we a di bigis wan outa aal a di liida dem fi priis. Im go we Gad de — dat a Jiizas, Gad Bwai Pikni. So laik ou im a fi wi liida fi priis, di uol a wi we se wi biliiv iina im fi uol aan chrang chrang an gwaan biliiv siem wie.