2 Korintiyan 12:17 - Di Jamiekan Nyuu Testiment

¹⁷ Ou mi tek advaantij a unu? Unu tingk se mi du it wid di piipl dem we mi sen tu unu? Eni a dem eva tek advaantij a unu?

2 Korintiyan 12:17 ပူးပေါင်းရင်းမြစ်များ

2 Korintiyan 12:18

A mi push Taitos fi kom luk fi unu, an mi did sen wan neda breda we unu nuo wid im. Taitos did tek advaantij a unu? Di tuu a wi neva did a du di siem ting? Di tuu a wi neva did a gwaan di siem wie an a wok fi di siem riizn?

2 Korintiyan 9:5

A dat mek mi did tingk it impuotant fi wi breda dem kom si unu bifuo mi kom dong de. Mi push dem fi go orli so dat dem kuda mek shuor se aal a di sitn dem we unu did pramis fi gi, gyada op an pudong. Kaaz ef evriting gyada op an redi wen mi riich de, it wi shuo se a gi unu riili waahn fi gi; it wi shuo se nobadi naa fuos unu fi du notn.

1 Korintiyan 16:10

Nou ef Timoti kom tu unu, mek shuor se unu no du notn we wi kaaz im fi fried a unu. Tek im iin an chriit im gud, kaaz jos laik mi, im a du Gad wok.

1 Korintiyan 4:17

A so mek mi a sen Timoti tu unu, Timoti we mi lov an we komiin laik mi pikni kaaz di tuu a wi biliiv iina di siem Gad. Mi a sen im fi elp unu memba aal a di sitn dem we mi did tiich unu bout Krais Jiizas. A di siem sitn mi a tiich aal bout iina aal a di choch dem.

Maak 5:26

Shi go wan uol iip a dakta, bot non a dem kudn elp ar. Shi spen aaf aal ar moni pan dakta bil, an insted-a shi get beta, shi onggl get wosa.