2 Korintiyan 12:16 - Di Jamiekan Nyuu Testiment

¹⁶ Aarait so unu nuo se mi neva presha ar aks unu fi notn bot unu a-go se mi chrikifai, ou mi lai fi kech unu an tek advaantij a unu.

2 Korintiyan 12:16 ပူးပေါင်းရင်းမြစ်များ

1 Tesaluoniyan 2:5

An unu nuo se wi neehn kom swiit-mout non a unu no taim at aal, an Gad si an nuo se wi neehn a chrai yuuz notn we wi se fi tek advaantij a non a unu niida.

1 Tesaluoniyan 2:3

di mesij we wi bring kom gi unu neva kom fram no lai. Wi neehn tel unu fi di rang riizn, an wi neehn a chrai fi chrik unu niida.

2 Korintiyan 12:13

A wa mi du fi di ada choch dem we mi neva du fi unu? Di onggl ting we dem du we unu neva du, a tek kier a mi. Mi neva presha unu fi gi mi notn wen mi did de mongks unu. A mos so mi rang unu, wen mi neva presha unu. Wel du paadn mi fi dat.

2 Korintiyan 7:2

Mek ruum iina yu aat fi wi. Wi no du notn rang tu nobadi, wi no mash op nobadi laif an wi no tek advaantij a nobadi.

2 Korintiyan 4:2

Wi no av notn fi du wid di bad sitn dem we piipl aid an du, an we bring dong shiem pan dem. Wi no chrai fi chrik nobadi an wi no ad ar chienj op notn we de iina Gad wod. Gad a wi witnis se wi onggl tiich di chuut an so piipl nuo se dem kyan chos wi.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

1 Piita 2:3

nou dat unu “ties an si se di Laad gud.”

2 Korintiyan 6:8

Som piipl big wi op ada piipl chrai fi put wi dong. Som piipl rispek wi ada piipl chrai fi shiem wi. Som piipl se wi a laiyad bot wi aalwiez tel di chuut.

2 Korintiyan 11:20

Unu put op wid piipl wen dem kom an chrai tek unu an ton unu iina sliev. Unu put op wid dem wen dem yuuz unu, unu put op wid dem wen dem tek advaantij a unu. Wen dem put unu dong an gwaan laik dem beta dan unu, wen dem baks unu iina unu fies, unu put op wid dem.