2 Korintiyan 12:14 - Di Jamiekan Nyuu Testiment

¹⁴ Nou a tuu taim mi kom luk fi unu, an mi redi fi kom agen, so dat a-go mek chrii. Da taim ya wen mi kom, mi stil naa go presha unu fi notn. Mi naa presha unu kaaz mi no waahn unu moni, wa mi waahn a fi elp unu. Kaaz pikni no fi a siev op fi tek kier a dem mada an faada, a di mada an faada sopuoz fi a siev op fi di pikni.

2 Korintiyan 12:14 ပူးပေါင်းရင်းမြစ်များ

1 Korintiyan 10:33

Unu fi du laik mi. Mi chrai fi du tingz we wi kaaz evribadi fi api. Mi no du tingz fi elp miself wan bot mi du tingz we wi elp evribadi. Mi du dat so dat evribadi kyan get siev.

1 Korintiyan 10:24

Nobadi fi a luk out fi demself wan, dem fi a luk out fi dem nieba dem tu.

2 Korintiyan 1:15

An kaaz mi did shuor se unu wuda andastan an welkom mi, mi did plan fi kom si unu fos, so dat unu kuda get bles tuu taim,

1 Tesaluoniyan 2:11

An unu nuo se wi diil wid evri wan a unu laik ou wan faada chriit im uona pikni dem.

Aks 20:33

Mi neva red yai nobadi fi dem moni ar dem dier kluoz.

1 Tesaluoniyan 2:8

Wi lov unu so moch dat wi neva did onggl waahn unu nuo bout di Gud Nyuuz, bot wi did glad fi du eniting wi kuda du fi elp unu tu — kaaz unu miin so moch tu wi.

Filipiyan 4:17

A no muor moni mi a luk fram unu mek mi a se dem sitn ya, bot mi waahn unu du muor an muor gud sitn so Gad wi pie unu bak wid aal braata.

Filipiyan 4:1

Mi breda an sista, mi lov unu, an mi mis an lang fi si unu so til. Unu mek mi api, an mi kyan riili buos bout unu, kaaz unu komiin laik wan kroun we mi get fi mi aad wok. So mi waahn unu fi tan op chrang iina wa unu biliiv bout di Laad.

1 Korintiyan 16:5

Mi a-go go chuu Masiduoniya, so afta mi go chuu de-so, mi wi kom luk fi unu.

1 Korintiyan 11:34

Ef sumadi onggri mek dem nyam a dem yaad, so dat wen unu gyada tugeda unu no bring dong jojment pan unuself. Wen mi kom, mi wi gi unu som muor ruul bout som ada tingz we mi waahn unu fi fala.

1 Korintiyan 4:19

Bot mi a-go kom de suun, ef dat a wa di Laad waahn mi fi du. Mi a-go kom de an mi wi fain out fi miself no jos wa dem buosi piipl a se, bot mi a-go fain out a wa kain-a powa dem av.

1 Korintiyan 9:12

Ef unu av ada piipl we unu afi sopuot, unu no tingk se unu shuda waahn sopuot wi muor dan dem? Bot iivn duo wi kuda tel unu fi sopuot wi, wi no aks unu fi notn. Wi go chuu evri an eniting so dat wi no tap nobadi fram biliiv di Gud Nyuuz bout Jiizas Krais.

1 Korintiyan 9:18

So den a wa mi a-go get pie? Fi mi pie a dat mi kyan priich di Gud Nyuuz bout Jiizas an no chaaj nobadi. Da wie de mi kyan priich an no aks unu fi sopuot mi iivn duo mi av di rait fi aks unu.

1 Korintiyan 9:19

Iivn duo mi frii an nobadi no uon mi, mi tek miself ton evribadi sliev, so dat mi kyan kaaz az moch piipl fi biliiv iina Gad az mi kyan.

2 Korintiyan 11:9

Wen mi did de mongks unu an wel niid som tingz mi neva aks unu fi notn, kaaz wi breda an sista dem we did kom fram Masiduoniya did bring evriting we mi niid. Mi neva presha non a unu fi notn an mi naa go presha non a unu fi notn niida.

2 Korintiyan 12:13

A wa mi du fi di ada choch dem we mi neva du fi unu? Di onggl ting we dem du we unu neva du, a tek kier a mi. Mi neva presha unu fi gi mi notn wen mi did de mongks unu. A mos so mi rang unu, wen mi neva presha unu. Wel du paadn mi fi dat.

Gyalieshan 4:19

Mi pikni we mi lov, jos laik ou mada go chuu nof pien wen dem a av biebi — a siem so mi a fiil pien fi unu. An mi naa go tap fiil pien til unu an Jiizas a wan, an unu staat fi biyiev laik im.