2 Korintiyan 12:13 - Di Jamiekan Nyuu Testiment

¹³ A wa mi du fi di ada choch dem we mi neva du fi unu? Di onggl ting we dem du we unu neva du, a tek kier a mi. Mi neva presha unu fi gi mi notn wen mi did de mongks unu. A mos so mi rang unu, wen mi neva presha unu. Wel du paadn mi fi dat.

2 Korintiyan 12:13 ပူးပေါင်းရင်းမြစ်များ

1 Korintiyan 9:12

Ef unu av ada piipl we unu afi sopuot, unu no tingk se unu shuda waahn sopuot wi muor dan dem? Bot iivn duo wi kuda tel unu fi sopuot wi, wi no aks unu fi notn. Wi go chuu evri an eniting so dat wi no tap nobadi fram biliiv di Gud Nyuuz bout Jiizas Krais.

1 Korintiyan 9:6

Ar a mi an Baanabas a di onggl apasl dem we afi wok so dem kyan av moni fi liv?

2 Korintiyan 12:14

Nou a tuu taim mi kom luk fi unu, an mi redi fi kom agen, so dat a-go mek chrii. Da taim ya wen mi kom, mi stil naa go presha unu fi notn. Mi naa presha unu kaaz mi no waahn unu moni, wa mi waahn a fi elp unu. Kaaz pikni no fi a siev op fi tek kier a dem mada an faada, a di mada an faada sopuoz fi a siev op fi di pikni.

Aks 18:3

an kaaz im an dem du di siem kain-a wok, im tan wid dem an wok wid dem (fi dem wok a did fi mek tent).