2 Korintiyan 12:1 - Di Jamiekan Nyuu Testiment

¹ Mi afi gwaan brag an buos, iivn duo notn gud naa kom fram it. Nou, mi a-go brag an buos bout di vijan dem we di Laad gi piipl an bout di siikrit sitn dem we im mek dem kom fi andastan.

2 Korintiyan 12:1 ပူးပေါင်းရင်းမြစ်များ

Gyalieshan 1:12

Nobadi neva bring it kom gi mi ar tiich it tu mi. Di mesij we mi priich tu unu kom fram Gad an a Jiizas shuo it tu mi.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

2 Korintiyan 12:7

An fi tap mi fram get buosi bout di sitn dem we mi si, Gad lou wan a sietan ienjel dem fi komiin laik maka iina mi said. Da ienjel de aalwiez a kaaz mi pien so dat mi wi no get buosi.

Gyalieshan 2:2

Mi go bak de kaaz Gad did mek mi nuo se a de-so im waahn mi fi go. An wen mi dong de mi miit wid di liida dem — dem wan, an mek dem ier di mesij we mi did a priich tu di piipl dem we a no Juu. Mi mek dem ier it so dat dem wuda nuo se mi a tiich di chuut an so dat aal a di wok we mi did a du, wudn kom tu notn.

2 Korintiyan 12:11

Mi did a gwaan laik se mi a fuul! A unu fuos mi fi du it. Unu a di wan dem we shuda a taak gud bout mi kaaz dem “big apasl” de no av notn we mi no av. Iivn duo mi a no nobadi, dem no muor dan mi.

2 Korintiyan 8:10

Nou mek mi tel unu wa mi tingk bout di sitn dem we unu a gyada op an a gi we: A unu it a-go elp, laik ou laas ier unu a did di fos wan dem fi gyada op wa unu kyan an gi tu ada piipl, an unu gi kaaz a dat unu did waahn fi du, nobadi neva afi aks unu fi du it.

1 Korintiyan 10:23

Som piipl se, “Mi kyan du eniting wa mi waahn fi du,” bot a no evriting gud fi yu. Dem se, “Mi kyan du eniting wa mi waahn fi du,” bot a no evriting a-go elp yu fi gruo.

Aks 23:11

Di neks nait di Laad tan op saida Paal an tel im se, “Tek aat, kaaz siem ou yu tel di Jeruusilem piipl dem bout mi, a siem so yu afi go tel di piipl dem iina Ruom bout mi tu.”

Aks 18:9

An iina di nait di Laad se tu Paal iina wan vijan, “No fried, taak op an no kip kwaiyat,

Jan 16:7

Bot mi a tel unu fi chuu chuu se dat a fi fu'unu uona gud dat mi a go we. Kaa ef mi no go we, di Elpa naa go kom tu unu. Bot ef mi go we mi a-go sen im kom tu unu.

1 Korintiyan 6:12

Piipl wi se, “Mi kyan du eniting mi waahn fi du, no laa no de de fi tap mi,” — bot a no evriting we wi kyan du, gud fi wi. Piipl wi se tu, “Mi kyan du eniting mi waahn fi du, no laa no de de fi tap mi,” — bot mi naa go mek notn we mi kyan du ruul uova mi.

Jan 18:14

(Nou Kaiyafas did a di wan we did tel di Juu liida dem se it wuda beta fi wan man ded fi di uol a di Juu piipl dem.)

Ifiijan 3:3

Unu nuo ou Gad mek mi nuo bout im siikrit mesij, we nobadi neehn nuo bout bifuo. Mi no tuu lang rait likl bit bout it.

1 Korintiyan 14:6

Nou breda an sista, ef mi kom tu unu an a taak iina tongz ou mi fi elp unu ef unu kyaahn andastan wa mi a se? Ou mi fi elp unu ef mi naa kom tel unu bout sopm we Gad shuo mi ar mek mi andastan wen mi a riid im Wod? Ou mi fi elp unu ef a no wan mesij fram Gad mi a kom tel unu ar a no tiich mi a tiich unu sopm fram Gad wod?

2 Korintiyan 12:5

Mi wi brag an buos bout sumadi laik dat, bot wen it kom tu mi, mi onggl a-go buos bout di sitn dem we shuo se mi wiik.

2 Korintiyan 12:9

Bot im tel mi se, “Mi wi gud tu yu, an dat a aal yu a-go eva niid, kaaz wen yu wiik, a da taim de yu wi riili si fi mi powa.” So mi api fi buos bout di sitn dem we mek mi wiik. Mi wi buos bout dem so dat Krais Jiizas powa wi kova mi an protek mi.

1 Tesaluoniyan 4:15

Wa wi a tiich unu ya nou a wa di Laad wod se. Wi we stil alaiv, wen di Laad kom bak wi naa go miit op wid di Laad bifuo dem we ded aredi yu no.