2 Korintiyan 11:9 - Di Jamiekan Nyuu Testiment

⁹ Wen mi did de mongks unu an wel niid som tingz mi neva aks unu fi notn, kaaz wi breda an sista dem we did kom fram Masiduoniya did bring evriting we mi niid. Mi neva presha non a unu fi notn an mi naa go presha non a unu fi notn niida.

2 Korintiyan 11:9 ပူးပေါင်းရင်းမြစ်များ

1 Tesaluoniyan 2:9

Breda an sista, wi shuor se unu memba ou aad wi did afi wok. Wi wok die an nait so wi neehn afi presha nobadi ar bordn unu dong wen wi did kom priich tu unu di Gud Nyuuz we kom fram Gad.

1 Tesaluoniyan 2:6

Wi neehn a luk fi piipl big wi op ar notn laka dat. Wi neva did a luk fi dat fram non a unu ar fram nobadi els niida.

Iibruu 11:37

Dem stuon som a dem, an tek saa kot dem iina tuu an yuuz suod kil dem aaf tu. Dem piipl de we sofa so, dem waak bout iina shiip skin an guot skin, dem neehn av no moni — dem did wel puor. Piipl mek dem sofa an did taament dem.

Filipiyan 2:25

Bot mi tingk se mi riili afi go sen bak Epafrodaitos kom a unu. Im a mi breda an di tuu a wi wok tugeda an im tan op chrang wid mi laik wan suoja. A im unu did sen fi tek kier a aal wa mi did niid.

2 Korintiyan 9:12

So wen unu shier wa unu av wid di Juu dem iina Judiya we biliiv iina Krais Jiizas, unu no onggl a gi dem wa dem niid, bot unu a kaaz dem fi gi Gad tangks nof nof.

2 Korintiyan 6:4

So insted-a kaaz piipl fi ton we, wa wi du a shuo dem se wi a Gad sorvant iina evriting we wi du. Wi shuo dem se wi a Gad sorvant wen wi no gi op wen nof chobl an chraiyal an kraasiz tek wi.

Aks 20:33

Mi neva red yai nobadi fi dem moni ar dem dier kluoz.

Aks 18:3

an kaaz im an dem du di siem kain-a wok, im tan wid dem an wok wid dem (fi dem wok a did fi mek tent).

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Ruoman 15:26

Kaaz di choch dem iina Masiduoniya an Akaiya did muor dan api fi gi moni tu Gad piipl iina Jeruusilem we puor.

1 Korintiyan 16:17

Mi did api fi si Stefanos, Faachyunietos an Akaikos dem kom, kaaz wen dem de ya wid mi it komiin laik se a unu de ya.