2 Korintiyan 11:7 - Di Jamiekan Nyuu Testiment

⁷ Wen mi priich Gad Gud Nyuuz bout Jiizas tu unu, mi did du it fi frii, mi neva chaaj unu notn. Mi put miself dong luo so dat mi kuda lif unu op. A sin mi did a sin wen mi du dem sopm de?

2 Korintiyan 11:7 ပူးပေါင်းရင်းမြစ်များ

2 Korintiyan 12:13

A wa mi du fi di ada choch dem we mi neva du fi unu? Di onggl ting we dem du we unu neva du, a tek kier a mi. Mi neva presha unu fi gi mi notn wen mi did de mongks unu. A mos so mi rang unu, wen mi neva presha unu. Wel du paadn mi fi dat.

1 Tesaluoniyan 2:9

Breda an sista, wi shuor se unu memba ou aad wi did afi wok. Wi wok die an nait so wi neehn afi presha nobadi ar bordn unu dong wen wi did kom priich tu unu di Gud Nyuuz we kom fram Gad.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

1 Korintiyan 9:6

Ar a mi an Baanabas a di onggl apasl dem we afi wok so dem kyan av moni fi liv?

2 Tesaluoniyan 3:8

Wi neehn tek nobadi fuud an nyam it ef wi neehn pie fa. Nuo, wi wok aad, die an nait so wi no afi presha an bordn dong nobadi.

Aks 20:34

Unu wel nuo se wid mi uona tuu an dem mi tek kier a aal we mi did niid, an aal we di piipl we wok wid mi did niid tu.

1 Korintiyan 9:12

Ef unu av ada piipl we unu afi sopuot, unu no tingk se unu shuda waahn sopuot wi muor dan dem? Bot iivn duo wi kuda tel unu fi sopuot wi, wi no aks unu fi notn. Wi go chuu evri an eniting so dat wi no tap nobadi fram biliiv di Gud Nyuuz bout Jiizas Krais.

Aks 20:33

Mi neva red yai nobadi fi dem moni ar dem dier kluoz.

Ruoman 1:1

Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

2 Korintiyan 2:12

Nou wen mi go a Chuowas fi priich di Gud Nyuuz bout Jiizas, mi fain se di Laad did don mek wan wie fi mi taak tu di piipl dem.

2 Korintiyan 10:16

Den, wi kyan go paas unu an go priich di Gud Nyuuz bout Krais Jiizas tu piipl we liv iina di ada konchri dem an we nobadi neva priich tu yet. Da wie de wen wi redi fi taak bout di wok we wi a du, wi nuo se wi naa brag an buos bout wok we sumadi els did du.