2 Korintiyan 11:4 - Di Jamiekan Nyuu Testiment

⁴ Kaaz wi tel unu bout Jiizas an unu tek di Uoli Spirit we Gad gi unu an unu biliiv di mesij we wi priich. Bot mek sumadi nyuu kom an tel unu bout wan difrant Jiizas an unu redi fi lisn an tek di spirit we dem a gi an biliiv di mesij we dem a priich.

2 Korintiyan 11:4 ပူးပေါင်းရင်းမြစ်များ

Maak 7:9

An im se, “Unu tingk unu so sumaat dat unu ton unu bak pan we Gad se unu fi du an se it no mata, so dat unu kyan fala wa unu faada faada dem se unu fi du.

Aks 4:12

A onggl Jiizas wan kyan siev piipl, an a fi'im niem Gad gi piipl. Nobadi els iina di uol worl kyaahn siev yu.”

Ruoman 8:15

Kaaz Gad neva gi unu wan Spirit we ton unu iina sliev an kaaz unu fi fried. Di Spirit we Gad gi wi, mek wi im pikni an a da Spirit de mek wi kyan taak tu Gad an kaal im “Faada, fi mi Faada.”

1 Korintiyan 3:11

Kaaz nobadi kyan go bil wan neda foundieshan pan tap a di wan we de de aredi. An di foundieshan we de de aredi a Jiizas Krais. Im a di wan an onggl foundieshan.

2 Korintiyan 11:1

Mi uop se unu wi tek taim wid mi iivn ef unu tingk se wa mi bout fi se a fuulinish. Mi se fi tek taim wid mi!

2 Korintiyan 2:12

Nou wen mi go a Chuowas fi priich di Gud Nyuuz bout Jiizas, mi fain se di Laad did don mek wan wie fi mi taak tu di piipl dem.

Gyalieshan 3:2

So a wan ting mi waahn unu fi tel mi nou: Unu get di Spirit chuu unu fala di Laa ar kaaz unu biliiv wa unu did ier?

1 Timoti 1:3

Wen mi did a go Masiduoniya, mi beg yu fi tan a Efisos so yu kyan waan di piipl dem we naa tiich Gad wod fi tap pred faalz wod.

1 Timoti 2:5

Kaaz a onggl wan Gad de bout, an Jiizas Krais a di migl man, di onggl wan we kyan bring Gad an piipl tugeda.