2 Korintiyan 11:29 - Di Jamiekan Nyuu Testiment

²⁹ Wen sumadi wiik, mi no fiil wiik tu? Wen sumadi get chrik an go sin, mi no beks til mi blod bwail?

2 Korintiyan 11:29 ပူးပေါင်းရင်းမြစ်များ

1 Korintiyan 9:22

Tu di piipl dem we wiik mi ton wiik tu, so dat mi kuda elp dem fi biliiv iina Jiizas Krais. So bies pan ou piipl liv, mi chienj ou mi liv so dat mi wuda du aal we mi kuda du fi elp siev som a dem.

1 Korintiyan 8:13

So ef wa mi nyam a-go kaaz mi breda fi sin, mi wi tap nyam it. Da wie de mi wudn kaaz im fi sin.

Revilieshan 2:20

Bot mi stil av sitn gens unu. Unu put op wid da uman de, Jezibel, we kaal arself wan prafit. Shi yuuz di sitn dem we shi a tiich fi chrik mi sorvant dem fi tek paat iina seks sin an fi nyam fuud we dem tek bon sakrifais gi faalz gad.

Revilieshan 2:2

Mi nuo evriting bout unu. Mi nuo aal wa unu go chuu kaaz unu biliiv iina mi, an ou unu tan op chrang an no gi op wen chobl tek unu. Mi nuo se unu kyaahn tek di wikid piipl dem. Unu tes di wan dem we taak bout se dem a apasl wen dem a no no apasl, an fain out se dem a uol laiyad.

Gyalieshan 6:2

Wen sumadi av prablem, unu fi elp dem. Unu fi elp unu wan aneda. Kaaz wen unu du dat unu a du we Krais Jiizas se unu mos du.

Gyalieshan 2:14

Bot wen mi si se dem naa ak laik ou di Gud Nyuuz se wi fi ak, infronta evribadi mi se tu Siifas se, “Ef yu a wan Juu an a liv laik di piipl dem we a no Juu, ou yu tingk yu a-go get dem piipl de fi staat liv laik ou Juu liv?”

2 Korintiyan 13:9

Wi api wen unu chrang an wi wiik an wa wi a prie se, a dat Gad wi mek unu gwaan gruo chrang iina wa unu biliiv.

1 Korintiyan 15:36

Unu a fuul! Wen yu a plaant siid, it no afi ded an jrai out fos bifuo yu kyan plaant it.

1 Korintiyan 12:26

Ef wan paat a di badi a sofa, di uol badi a sofa tu. Ef wan paat a di badi fiil gud den di uol badi fiil gud.

1 Korintiyan 11:22

Wa apm? Unu no av yaad wich paat unu kyan nyam an jringk? Ar a shuo unu a chrai shuo se unu iet Gad choch wen unu shiem di piipl dem we no av notn? Wa mi fi se tu unu? Unu waahn mi tel unu ou unu gud? Mi kyaahn tel unu se unu a du gud wen unu du dem tingz ya.

Ruoman 15:1

Nou wi we chrang iina wa wi biliiv, wi fi tek taim wid an elp di wan dem we wiik. Wi no fi jos du di sitn dem we wi waahn an wa wi mek wi api.

Ruoman 12:15

Ef piipl api unu fi api wid dem, ef dem a baal unu fi baal wid dem tu.

Jan 2:17

Sed taim dis ya apm, im falara dem memba ou Gad wod se, “Di wie mi lov yu ous, it de go kaaz mi fi ded.”

Matyu 11:6

Gad bles di piipl dem we no tap chos iina mi jos kaa mi no gwaan ou dem tingk di wan we dem a wiet pan fi gwaan.”

1 Korintiyan 8:9

Wach unuself duo! Unu frii fi iit di fuud bot mek shuor se wen unu a iit it, unu naa kaaz di wan dem we yong iina wa dem biliiv fi sin.