2 Korintiyan 11:26 - Di Jamiekan Nyuu Testiment

²⁶ Nof taim wen mi a chravl, mi aalmuos ded. Riva nieli tek mi laif. Tiif chrai kil mi. Mi uona piipl di Juu dem an aal piipl we a no Juu chrai fi kil mi tu. Mi no sief iina di siti. Mi no sief iina di dezot. Mi de a sii, mi aalmuos ded. Mi aal av piipl we gwaan laik dem a mi breda, bot a kil dem waahn fi kil mi.

2 Korintiyan 11:26 ပူးပေါင်းရင်းမြစ်များ

Aks 14:5

Wen di piipl we a Juu, di piipl we a no Juu an dem ruula dem chrai fi mek Paal an Baanabas sofa an fi stuon dem,

Aks 25:3

Dem beg Festos fi du sitn speshal fi dem. Dem beg im fi gi aada fi Paal kom baka Jeruusilem. Dem du dat kaaz dem did av a plan fi gyang op an kil im bifuo im kuda riich.

Aks 20:19

ou mi ombl miself an sorv di Laad. An unu nuo ou mi baal siek-a aal di sofarieshan we mi did afi go chuu siek-a aal wa di Juu dem du tu mi.

Aks 17:5

Bot di Juu dem get beks se so moch piipl did jain op wid Paal an Sailas. So dem gyada op som woklis aigla fram di maakit, faam wan pasi, an staat fi kik op rompos, galang bad an ton di siti opsaid dong. Di Juu liida dem go stuon Jiesn yaad, a luk fi Paal an Sailas fi jrag dem infronta di ruula dem.

Aks 13:50

Bot di Juu dem rail op di uman dem we rich an we worship Gad, an di big impuotant man dem iina di toun. Dem du som torbl sitn gens Paal an Baanabas an mek dem sofa an ron dem outa dem toun.

Gyalieshan 2:4

Mi did taak tu di liida dem wan kaaz yu av som piipl we gwaan laik se dem a fala Gad an a siniik kom iin mongks Gad piipl, so dat dem kyan wach dem. Jiizas frii wi kaaz wi an im kluos. So dem a wach wi kaaz wi no afi fala di Juu dem Laa. Dem waahn wi fi fala da Laa de laik se wi a sliev.

2 Korintiyan 11:32

Iina Damaskos, wan a King Aretas govana dem sen suoja fi gyaad di siti giet so dat dem kuda ares mi.

1 Korintiyan 15:32

Ef nobadi kyaahn kom bak alaiv, wa gud it du mi ef mi fait wid di piipl dem rait ya-so iina Efisos, we a fait mi laik se dem a wail animal? Ef nobadi kyaahn kom bak alaiv, “Mek wi nyam an jringk, kaaz tumaro wi mait-a ded.”

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

Aks 23:10

Wen di kwaril get riili riili bad, di ed fi touzn suoja kech im fried kaaz im tingk se dem wuda tier op Paal. So im aada im suoja dem fi go dong go tek we Paal fram mongks dem an kyari im bak iina di suoja kyamp.

Aks 19:23

Roun dem siem taim de, som siiros chobl staat op. Piipl did a se aal saat a sopm bout di Wie ou di Laad se piipl wi get fi liv fi eva.

Aks 19:1

Apalos did de a Korint wen Paal did a chravl chuu di ili paat a di konchri an riich a Efisos. Im si som a di piipl dem we biliiv iina Jiizas de,

Aks 18:12

Nou afta Gyaliyo did ton govana fi Akaiya di Juu dem gyada op an grab Paal an jrag im infronta di joj,

Aks 15:40

bot Paal pik Sailas an lef out afta di biliiva dem prie an aks di Laad fi tek kier a dem.

Aks 14:19

Den som Juu kom fram Antiyak an Aikoniyom an win uova di kroud. Dem get dem fi stuon Paal an wen dem tingk se im ded, dem jrag im badi go fling it outa di siti.

Aks 13:45

Wen di Juu dem si di kroud, dem get red yai an staat bad main Paal, an staat chat bout se wa im a se bout Jiizas a lai, an chat bad sitn bout Paal tu.

Aks 17:13

Bot wen di Juu dem fram Tesalonaika ier se Paal did a priich Gad wod iina Beriya, dem kom de-so tu fi kom rail op di kroud.

Aks 20:3

we im spen chrii mont. Bot kaaz di Juu dem did set op deriks fi kil im wen im did a go siel go Siriya, im mek op im main fi go bak chuu Masiduoniya.

Aks 27:42

So di suoja dem plan fi kil di prizna dem so dat non a dem kudn jomp iina di sii an get we.

Ruoman 8:35

So den wa kyan mek Krais Jiizas tap lov wi? Ef chobl tek wi an pien lik wi, ef wi naa no fuud, no kluoz, notn, ef wi sofa siek-a wa wi biliiv, ef piipl chretn wi ar iivn ef dem kil wi, unu tingk se dat miin Krais Jiizas tap lov wi?

1 Korintiyan 15:30

An ef wi kyaahn kom bak alaiv wen wi ded, wa mek wi a tiich Gad wod an a put wi laif iina siiros chobl evridie?