2 Korintiyan 11:14 - Di Jamiekan Nyuu Testiment

¹⁴ An mi no sopraiz se dem chrai fi du dat kaaz iivn sietan imself chrai fi chrik piipl an jres op imself laik wan a Gad ienjel wid wan brait lait roun im.

2 Korintiyan 11:14 ပူးပေါင်းရင်းမြစ်များ

Gyalieshan 1:8

Bot iivn ef a wan a wi ar wan ienjel fram outa evn kom an a priich sopm difrant fram di chuu mesij we wi did priich tu unu, mi prie se Gad wi fling im dong a el mek im sofa.

2 Korintiyan 2:11

Wi fi paadn im so dat Sietan no win kaaz wi nuo se im eva a luk fi wan wie fi kaaz chobl an mek piipl ton we fram Gad.

2 Korintiyan 11:3

Bot mi fried se, jos laik ou di siniek di chrik op Iiv, sumadi a-go chrik unu an kaaz unu fi ton we fram Krais Jiizas an tap fala im wid aal a unu aat.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Ifiijan 6:12

Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

Koloshan 1:12

an a gi di Faada tangks tu. A Faada Gad mek unu gud inof fi kom get wa im pudong fi im piipl dem iina im kindom. Faada Gad a lait an fi im kindom ful op a im lait.

Koloshan 1:13

Daaknis did ruul uova wi, an Gad kom siev wi fram di daaknis an bring wi wich paat im Bwai Pikni a-go ruul uova wi — im Bwai Pikni we im lov,