2 Korintiyan 11:11 - Di Jamiekan Nyuu Testiment

¹¹ Wa mek mi naa presha unu fi gi mi notn? Unu tingk se a kaaz mi no lov unu? Gad nuo se mi lov unu.

2 Korintiyan 11:11 ပူးပေါင်းရင်းမြစ်များ

2 Korintiyan 12:15

Mi api fi gi op aal we mi av, aal gi we miself, mi wi du aal we mi kyan du fi elp unu. Nou ef mi lov unu so moch, unu fi lov mi les dan dat?

2 Korintiyan 7:3

Mi naa se dem sitn ya kaaz unu du notn rang bot laik mi tel unu aredi, a kaaz wi lov unu. Wi lov unu so moch dat notn kyan kip wi fram unu. Wi tugeda no mata ef wi ded ar wi alaiv.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

2 Korintiyan 11:31

Di Gad an Faada fi di Laad Jiizas Krais, nuo se mi naa lai. Mek piipl priez im niem fi eva!

Aks 15:8

Gad, di wan we nuo evribadi aat, gi dem im Uoli Spirit, an dat shuo se im tek dem fi im piipl siem laik ou im did du wid wi.

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

2 Korintiyan 11:10

An nobadi iina Akaiya kyan tap mi fram buos bout dat. Siem laik ou unu nuo fi shuor se wa mi tiich bout Gad a chuu, a siem so unu kyan shuor bout dat.

Ruoman 1:9

Mi sorv Gad wid aal a mi aat. A sorv mi a sorv im wen mi priich di Gud Nyuuz bout im Bwai Pikni, an im nuo se wa mi bout fi se a chuu: Mi aalwiez a tingk bout unu.

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.