2 Korintiyan 11:10 - Di Jamiekan Nyuu Testiment

¹⁰ An nobadi iina Akaiya kyan tap mi fram buos bout dat. Siem laik ou unu nuo fi shuor se wa mi tiich bout Gad a chuu, a siem so unu kyan shuor bout dat.

2 Korintiyan 11:10 ပူးပေါင်းရင်းမြစ်များ

Ruoman 9:1

Mi a taak di chuut; mi bilang tu Krais Jiizas an mi naa lai. Di Uoli Spirit kanchuol fi mi kanchens an mi kanchens naa bada mi. So mi nuo fi shuor se mi a taak di chuut wen mi se

Ruoman 1:9

Mi sorv Gad wid aal a mi aat. A sorv mi a sorv im wen mi priich di Gud Nyuuz bout im Bwai Pikni, an im nuo se wa mi bout fi se a chuu: Mi aalwiez a tingk bout unu.

Aks 18:12

Nou afta Gyaliyo did ton govana fi Akaiya di Juu dem gyada op an grab Paal an jrag im infronta di joj,

2 Korintiyan 1:23

Nou ef wa mi bout fi tel unu a lai, mek Gad ponish mi: a fi fi unu uona gud mek mi neva kom baka Korint. Mi neva kom bak kaaz mi neva waahn unu fi sofa.

1 Timoti 2:7

A so mek Gad sen mi fi bi im apasl, so mi kuda priich di chuut. Im sen mi fi tiich aal a di piipl dem we a no Juu an tel dem se Gad wi siev dem ef dem biliiv iina Jiizas. Mi naa lai, mi a tel yu di chuut.

1 Tesaluoniyan 2:10

Unu siem wan si an nuo, an Gad si an nuo tu se wen wi did de mongks unu we biliiv, wi neehn du notn rang. Wi du di rait sitn dem an nobadi kudn bliem wi fi notn.

1 Tesaluoniyan 2:5

An unu nuo se wi neehn kom swiit-mout non a unu no taim at aal, an Gad si an nuo se wi neehn a chrai yuuz notn we wi se fi tek advaantij a non a unu niida.

Gyalieshan 1:20

Gad a mi witnis. Aal a di sitn dem we mi rait tel unu a chuu sopm — mi naa tel unu no lai.

2 Korintiyan 12:19

Unu tingk se aal a dis we mi a rait, a fi pruuv tu unu se wa wi a du rait? Kaaz wi a Jiizas sorvant dem, wi aalwiez tiich di chuut laik se Gad tan op rait infronta wi, an mi fren, evriting we wi tiich a fi elp unu gruo chrang.

2 Korintiyan 11:31

Di Gad an Faada fi di Laad Jiizas Krais, nuo se mi naa lai. Mek piipl priez im niem fi eva!

2 Korintiyan 11:12

Mi neva presha unu fi notn an mi naa go presha unu fi notn. Mi naa du it so dat di piipl dem we wuda waahn fi buos se dem a wok siem laik mi, naa go av no chaans fi se so.

2 Korintiyan 10:15

So wi no brag bout ada piipl wok laik se a wi did du it. Aal wi du a uop se unu wi get chrangga an chrangga iina wa unu biliiv, so dat wi wok mongks unu wi gruo tu.

2 Korintiyan 9:2

Mi no afi rait unu kaaz mi nuo se unu wel waahn fi elp. Mi aal buos bout unu tu Gad piipl we de iina Masiduoniya. Mi tel dem ou fram laas ier di uol a unu iina Akaiya redi fi elp an kaaz unu redi fi elp, it mek dem wel waahn fi elp tu.

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

1 Korintiyan 16:15

Nou breda an sista, unu nuo bout Stefanos an im fambili. Dem a did di fos set a piipl iina Akaiya fi biliiv iina Gad an get siev. An dem du aal we dem kyan du fi elp Gad piipl dem. So mi a beg unu

Ruoman 16:5

Di uol a di piipl dem we gyada fi choch a Priska an Akwila ous, tel dem oudi fi mi tu. Mi gud gud fren Epiniitos tel im oudi fi mi. Im a did di fos wan iina Iezha fi biliiv iina Jiizas Krais.

Aks 18:27

Wen Apalos did waahn kraas uova go a Akaiya, di breda an sista dem push im fi gwaan. Dem rait wan leta tu di breda an sista dem uova de an tel dem fi tek im iin an chriit im gud. Di wan dem we did biliiv kaaz Gad did so gud tu dem, wen Apalos riich im du uol iip fi elp dem.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.