2 Korintiyan 11:1 - Di Jamiekan Nyuu Testiment

¹ Mi uop se unu wi tek taim wid mi iivn ef unu tingk se wa mi bout fi se a fuulinish. Mi se fi tek taim wid mi!

2 Korintiyan 11:1 ပူးပေါင်းရင်းမြစ်များ

2 Korintiyan 11:4

Kaaz wi tel unu bout Jiizas an unu tek di Uoli Spirit we Gad gi unu an unu biliiv di mesij we wi priich. Bot mek sumadi nyuu kom an tel unu bout wan difrant Jiizas an unu redi fi lisn an tek di spirit we dem a gi an biliiv di mesij we dem a priich.

1 Korintiyan 1:21

Kaaz piipl tingk se dem waiz, lef tu demself, dem wudn nuo Gad. Bot sins Gad riili waiz, im mek it so dat piipl kuda get siev ef dem biliiv di siem mesij we dem se a fuulinish.

2 Korintiyan 11:21

(Mi ges mi shuda shiem fi se dat wi did tuu wiik fi du dem sitn de tu unu.) Bot wat-eva dem tingk dem bad inof fi buos bout, mi a-go buos bout di siem sitn dem tu. (Mi a taak laik wan fuul ya nou).

2 Korintiyan 11:19

Unu so waiz, unu eva redi fi tek iin an lisn tu di fuul dem.

2 Korintiyan 5:13

Som piipl tingk se mi mad, an ef a mad mi mad, dat a fi mi an Gad saat out. Bot ef a no mad mi mad, an a sens mi a taak, a fi elp unu.

Iibruu 5:2

Kaaz di liida fi di priis dem a piipl tu, im wi nuo ou fi tek taim wid piipl we no nuo beta an a du rang, sins im wiik an wi du rang tu.

2 Korintiyan 12:11

Mi did a gwaan laik se mi a fuul! A unu fuos mi fi du it. Unu a di wan dem we shuda a taak gud bout mi kaaz dem “big apasl” de no av notn we mi no av. Iivn duo mi a no nobadi, dem no muor dan mi.

1 Korintiyan 4:10

Nof piipl tingk wi a fuul kaaz wi biliiv iina Krais Jiizas. Bot unu, unu tingk se unu waiz kaaz unu bilang tu Krais. Nof piipl tingk se wi naa no powa fi du notn bot unu, unu tingk se unu av nof powa. Piipl shuo unu rispek bot dem no rispek wi.

1 Korintiyan 4:8

Uo! So unu av aal we unu kuda waahn aredi! An unu don rich! Wos unu ton king lef wi. Mi wish se unu did riili ton king fi chuu, so dat wi kuda ton king wid unu tu.

1 Korintiyan 3:18

No bada fuul unuself. Ef unu tingk unu waiz jos chuu di piipl we no biliiv iina Gad se so, mi a tel unu a beta unu ton fuul so dat unu kyan riili get waiz.

Aks 26:29

So Paal ansa se, “Mi prie Gad se no onggl yu bot aal uu a lisn mi tide wuda ton jos laik mi, weda iina no taim ar aal ef it tek lang. A onggl wan ting mi no waahn, mi no waahn unu fi chien op laik mi.”

Aks 18:14

Bot jos az Paal did bout fi se sopm, Gyaliyo se tu di Juu dem se, “Ef a did sopm bad ar sopm wikid im did du, it wuda rait fi mi lisn tu unu.

Matyu 17:17

Jiizas se, “Unu piipl we liv iina da taim ya! Unu no biliiv an unu no du we unu fi du. Umoch langga mi afi tan ya wid unu? Umoch langga mi afi put op wid unu? Kyari di bwai kom tu mi.”