2 Korintiyan 10:8 - Di Jamiekan Nyuu Testiment

⁸ Kaaz iivn ef mi buos likl tu moch bout di powa an di rait we di Laad gi mi, mi no shiem. Im gi mi da powa de no fi mash unu dong bot fi elp unu get chrang.

2 Korintiyan 10:8 ပူးပေါင်းရင်းမြစ်များ

2 Korintiyan 1:24

Wi a no som baas we a chrai fi ruul uova unu an tel unu wa fi biliiv. Wi a wok wid unu fi mek unu api kaaz unu chrang iina wa unu biliiv.

2 Korintiyan 10:4

Kaaz di sitn dem we wi fait wid, a no di siem kain-a sitn we di worliyan dem fait wid. No man neva mek di sitn dem we wi yuuz; di sitn dem we wi yuuz fi fait, a Gad mek dem an im gi dem di powa fi mash dong eniting we di enimi chrai fi bil op gens wi. Wi mash op dem aagiment,

2 Korintiyan 10:9

An mi no waahn it luk laik se mi a chrai fi fraitn unu wid mi leta dem.

2 Korintiyan 12:19

Unu tingk se aal a dis we mi a rait, a fi pruuv tu unu se wa wi a du rait? Kaaz wi a Jiizas sorvant dem, wi aalwiez tiich di chuut laik se Gad tan op rait infronta wi, an mi fren, evriting we wi tiich a fi elp unu gruo chrang.

2 Korintiyan 12:6

Bot iivn ef mi buos bout di sitn dem we apm tu mi, mi wudn a gwaan laik se mi a fuul, kaaz mi wuda a taak di chuut. Bot mi naa go du dat. Mi naa du it kaaz mi no waahn non a unu fi big mi op an rispek mi jos kaaz a di sitn dem we apm tu mi. Mi waahn unu fi rispek mi siek-a wa unu si an ier mi tiich.

2 Korintiyan 13:10

So mi a rait dem sitn ya tel unu wail mi no de de, so dat wen mi riich, mi no afi taak tu unu rof. Kaaz Gad gi mi di powa an di rait fi karek unu, bot im gi mi da powa de fi elp bil unu op, no fi tier unu dong.

2 Korintiyan 13:8

Kaaz wi no av di powa fi tap di chuut ar uol it bak. Aal wi kyan du a elp fi pred it.

2 Korintiyan 7:14

Mi buos bout unu tu im an unu neva kaaz mi fi shiem. Kaaz jos laik ou evriting wi tiich unu a chuu, a siem so im kom fi si se evriting we mi did se bout unu a chuu tu.

2 Korintiyan 7:4

Mi chos unu so mi nuo se mi kyan taak tu unu chriet an unu naa go tek it no wie. Mi proud a unu so til. Wen mi tingk bout unu, it push mi fi gwaan du di wok we mi a du. Iivn wen nof chobl a lik mi, unu mek mi api. Unu mek mi api so til mi glad-bag bos.

Gyalieshan 1:1

Da leta ya a kom fram mi, Paal, wan a Jiizas Krais apasl. A no wan gruup a piipl mek mi ton apasl an a no man gi mi da wok ya fi du niida. Bot a Jiizas Krais an Gad we mek im kom bak alaiv sen mi fi bi wan apasl.

2 Timoti 1:12

A kaaz mi tiich di Gud Nyuuz mek mi a sofa nou. Bot iivn duo mi iina prizn mi no shiem, kaaz mi nuo uu mi biliiv iina. An mi nuo se im wi kip sief aal a di sitn dem we im chos mi wid til di die Gad kom fi joj wi.