2 Korintiyan 10:7 - Di Jamiekan Nyuu Testiment

⁷ Unu onggl luk pan wa de pan di outsaid. Ef enibadi fiil shuor se dem bilang tu Krais Jiizas, mek dem tingk bout dis, siem laik ou unu bilang tu Jiizas, a siem so wi bilang tu im tu.

2 Korintiyan 10:7 ပူးပေါင်းရင်းမြစ်များ

2 Korintiyan 5:12

Wi naa tel unu dem sopm ya fi mek wiself luk gud, wi a tel unu so dat unu wi fiil gud bout wi an kyan buos bout wi tu di wan dem we no bizniz bout wa iina piipl aat, bot onggl bizniz wid wa dem kyan si.

1 Korintiyan 14:37

Ef enibadi se dem a wan a di piipl we kyari mesij chriet fram Gad ar dat dem av wan a di gif dem we di Uoli Spirit gi, dem fi si se wa mi a rait iina da leta ya, a di siem ting we Gad se wi fi du.

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

Jan 7:24

Tap joj sitn siek-a ou it luk pan di outsaid, an staat joj dem fi ou dem riili tan.”

1 Jan 4:6

Wi a Gad pikni. Enibadi we nuo Gad lisn tu wi, bot aal uu no nuo Gad no waahn ier wa wi av fi se. Dis a ou wi nuo di chuu Spirit fram di laiyad spirit.

1 Korintiyan 9:1

Mi no frii? Mi a no wan a di apasl dem? Mi neva si wi Laad Jiizas Krais? Unu a no Gad piipl siek-a di wok we Gad sen mi fi du?

1 Korintiyan 3:23

An unu bilang tu Krais Jiizas, an Krais Jiizas bilang tu Gad.

Gyalieshan 3:29

An ef unu bilang tu Krais Jiizas, den unu a Iebriyam pikni an aal a di sitn dem we Gad pramis fi gi Iebriyam, unu wi get tu.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

1 Korintiyan 1:12

Unu nuo wa mi a taak bout. Som a unu a se, “Mi a fala Paal.” Wan neda gruup a se, “Mi a fala Apalos.” Wan neks gruup a se, “Mi a fala Siifas” an wan neda gruup a se, “Mi a fala Krais.”

2 Korintiyan 13:3

Mi naa go tek it iizi pan nobadi sins unu did waahn mi fi pruuv se Krais Jiizas a yuuz mi fi taak tu unu. Wen im diil wid unu im no wiik, im shuo im powa mongks unu.

2 Korintiyan 12:11

Mi did a gwaan laik se mi a fuul! A unu fuos mi fi du it. Unu a di wan dem we shuda a taak gud bout mi kaaz dem “big apasl” de no av notn we mi no av. Iivn duo mi a no nobadi, dem no muor dan mi.

2 Korintiyan 11:18

Sins nof piipl a brag an buos laik ou di piipl dem iina di worl a buos, mi a-go brag an buos tu.

2 Korintiyan 11:4

Kaaz wi tel unu bout Jiizas an unu tek di Uoli Spirit we Gad gi unu an unu biliiv di mesij we wi priich. Bot mek sumadi nyuu kom an tel unu bout wan difrant Jiizas an unu redi fi lisn an tek di spirit we dem a gi an biliiv di mesij we dem a priich.

1 Korintiyan 15:23

Bot evribadi naa go kom bak alaiv siem taim, evribadi av dem uona taim. Gad mek Jiizas Krais kom bak alaiv fos, an wen Jiizas Krais kom bak agen, di piipl we biliiv iina im an we ded, dem a-go kom bak alaiv tu.

Luuk 16:15

Jiizas se tu dem se, “Unu aalwiez mek unuself luk gud tu ada piipl, bot Gad nuo unu aat. Yu si aal dem sitn we piipl lov, Gad naa no yuus fi dem.

Matyu 23:5

“Dem jos shuo aaf! Dem du aal we dem du fi mek piipl si dem. Unu si ou dem mek fi dem leda baks wid difrant difrant vors outa Gad wod wel big, ye, di siem wan we dem tai aan pan dem ed an dem an. An luk pan dem tasl, luk ou lang it bi!