2 Korintiyan 10:2 - Di Jamiekan Nyuu Testiment

² no push mi fi rof wid unu wen mi kom de fi si unu, laik ou mi shuor se mi afi go rof wid di wan dem we tingk se wi a liv laik di piipl dem we de iina di worl an no nuo Gad.

2 Korintiyan 10:2 ပူးပေါင်းရင်းမြစ်များ

2 Korintiyan 13:10

So mi a rait dem sitn ya tel unu wail mi no de de, so dat wen mi riich, mi no afi taak tu unu rof. Kaaz Gad gi mi di powa an di rait fi karek unu, bot im gi mi da powa de fi elp bil unu op, no fi tier unu dong.

2 Korintiyan 13:2

Laas taim mi did de de, dat a did di sekan taim mi kom luk fi unu, mi did waan unu. Mi did tel di piipl dem we did a du rang, an di res a unu tu fi tap it. Tap du rang kaaz wen mi kom bak mi naa go tek it iizi pan unu. Evribadi we du rang a-go get ponish. A dat mi did tel unu wen mi de de an nou iivn duo mi de faar fram unu, mi a tel unu agen.

Ruoman 8:5

Di piipl dem we a liv ou dem badi waahn dem fi liv, dem a mek dem badi kanchuol dem. Dem kyan onggl tingk wa dem badi waahn dem fi tingk. Bot di piipl dem we liv ou di Spirit se dem fi liv, dem a mek Gad Spirit kanchuol dem. Dem tingk ou Gad Spirit se dem fi tingk.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

Ruoman 8:4

Gad du dat, so dat aal a wi we a liv ou im Spirit se wi fi liv an uu naa du di sitn dem we wi badi waahn fi du, aal a wi wuda a du di sitn dem we di Laa se it rait fi wi du.

2 Korintiyan 1:17

So wen mi plan dem chienj op an mi neva get fi kom bak kom si unu, a siiros unu tingk mi neva siiros bout di plan dem wa mi mek? Unu tingk se mi komiin laik di piipl dem we liv iina di worl we onggl du tingz fi elp demself an we se “Yes mi a kom” an siem taim se “Nuo mi naa kom”?

2 Korintiyan 11:21

(Mi ges mi shuda shiem fi se dat wi did tuu wiik fi du dem sitn de tu unu.) Bot wat-eva dem tingk dem bad inof fi buos bout, mi a-go buos bout di siem sitn dem tu. (Mi a taak laik wan fuul ya nou).