2 Korintiyan 10:13 - Di Jamiekan Nyuu Testiment

¹³ Bot wi, wi no komiin laik dem. Wi naa go brag an buos bout sopm we wi no av no bizniz a brag an buos bout. Wi onggl buos bout di wok we Gad gi wi fi du, an unu a paat a da wok de.

2 Korintiyan 10:13 ပူးပေါင်းရင်းမြစ်များ

Ruoman 15:20

Wa mi did aalwiez waahn fi du a fi go priich di Gud Nyuuz bout Krais Jiizas wich paat nobadi neva go priich yet. Da wie de mi wudn a bil pan di wok we sumadi els di staat fi du,

Ruoman 12:6

Gad gi wi difrant difrant gif — im mek wi kyan du difrant sopm. Ef Gad gi sumadi di powa fi priich im mesij, den dem fi priich bies pan di fiet we dem av.

1 Piita 4:10

Gad gi unu difrant difrant gif. Evri wan a unu fi yuuz wat-eva gif Gad gi unu, an yuuz it gud. Yuuz it elp ada piipl.

Ifiijan 4:7

Krais Jiizas gi evri wan a wi wan speshal gif fi wi spirit. Dat shuo umoch im lov wi iivn duo wi no dizorv it.

1 Korintiyan 12:11

Di powa fi du aal a dem sitn de kom fram di siem Spirit an im gi da powa de tu enibadi im waahn gi it tu.

Ruoman 12:3

Kaaz a di gif we Gad gi mi, mi a tel unu: No bada tingk se unu muor dan wa unu riili bi. Insted-a dat unu fi ombl unuself an joj unuself bies pan di fiet we Gad gi unu.

Ruoman 10:18

So mek mi aks unu sopm, di Juu dem, dem neva ier? Dem no mos did ier! It rait iina Gad wod se, “Fi dem vais riich evri paat a di ort, an piipl aal uova di worl ier di wod we dem priich.”

Matyu 25:15

Im gi wan a dem faiv bag a guol, im gi wan neks wan tuu bag, an im gi wan neks wan wan bag a guol. Im gi dem bies pan wa dem kyan manij. Den im lef go wich paat im a go.