2 Korintiyan 10:11 - Di Jamiekan Nyuu Testiment

¹¹ Mek enibadi we se dat andastan dis, wa wi se iina di leta dem we wi rait unu wen wi no de de, a di siem ting wi a-go du wen wi de de wid unu.

2 Korintiyan 10:11 ပူးပေါင်းရင်းမြစ်များ

2 Korintiyan 13:10

So mi a rait dem sitn ya tel unu wail mi no de de, so dat wen mi riich, mi no afi taak tu unu rof. Kaaz Gad gi mi di powa an di rait fi karek unu, bot im gi mi da powa de fi elp bil unu op, no fi tier unu dong.

2 Korintiyan 12:20

Mi fried se wen mi riich de, unu naa go tan ou mi waahn unu fi tan an mi naa go tan ou unu waahn mi fi tan. Mi fried se wen mi riich de a bier kyas-kyas a gwaan, piipl a-go beks an a shout aafa dem wan aneda, an piipl a bad main ada piipl fi dem sitn dem. Mi fried se mi a-go fain unu a tel lai pan unu wan aneda an a susu-susu bout unu wan aneda an evribadi onggl a-go bizniz bout demself. Wen mi kom de mi fried se mi a-go fain piipl a gwaan buosi-buosi an evriting a-go ton opsaid dong.

2 Korintiyan 10:10

Kaaz som piipl se, “Im rof wen im a rait wi. Iina im leta dem im taak tu wi aad bot wen im de mongks wi im saaf an wa im tel wi no wot notn.”

2 Korintiyan 10:12

Mi wudn mad fi chrai mach op miself wid di wan dem we eva a sing dem uona priez. Dem mek op dem main fi demself wa rait an den joj demself bies pan wa dem fiil rait. Wen dem du dat it shuo se dem no andastan notn.