2 Korintiyan 1:21 - Di Jamiekan Nyuu Testiment

²¹ Nou a Gad mek aal a wi kyan tan chrang an gwaan biliiv iina Jiizas Krais. A im pik wi fi bi im piipl.

2 Korintiyan 1:21 ပူးပေါင်းရင်းမြစ်များ

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.

1 Jan 2:20

Krais Jiizas naint unu wid im spirit, so aal a unu nuo di chuut.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

Ruoman 8:9

Bot yu si unu, unu naa liv ou unu badi waahn unu fi liv. Unu a liv ou di Spirit se unu fi liv, dat a ef Gad Spirit riili de iina unu. Nou di piipl we no av Krais Jiizas Spirit a liv iina dem, dem no bilang tu Gad.

2 Tesaluoniyan 3:3

Bot, memba se Gad wi aalwiez du wa im se im a-go du. Im a-go mek unu aat chrang, an im wi protek unu fram di wikid wan.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

2 Tesaluoniyan 2:8

An den, di wan we brok Gad Laa a-go shuo op an mek evribadi nuo uu im bi. Bot wen di Laad Jiizas kom im a-go bluo pan im kil im, an Jiizas brait brait lait a-go waip im out fi gud.

2 Korintiyan 5:5

Gad a di wan we mek wi redi fi da nyuu badi de an im sen im Spirit gi wi so dat wi wuda nuo fi shuor se wi a-go get dem.

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

Revilieshan 3:18

Dis a wa mi tingk unu shuda du, bai guol fram mi, guol we bon iina faiya fi get out aal wa no fi iina it. Ef unu bai da guol de, unu wuda riili get rich. Bai wait kluoz fram mi so unu kyan kova op unuself. Da wie de unu na'afi shiem kaaz unu na'av aan no kluoz. An bai yai jrap fram mi tu fi jrap iina unu yai dem so unu kyan si.

Revilieshan 1:6

Siek-a dat wi komiin laik wan fambili, wan gruup a priis fi sorv Gad im Faada. So wi fi ana an rispek Jiizas Krais fi eva an eva! Iemen!

2 Tesaluoniyan 2:17

Wi prie se wi Laad Jiizas an wi Faada Gad wi gwaan gi unu gud wod an mek unu aat chrang, so unu wi aalwiez se an du wa gud.

1 Tesaluoniyan 3:13

Da wie ya, unu aat wi get chrang so unu wi du di sitn dem we shuo se unu bilang tu wi Faada Gad. An so im naa go kyan bliem unu fi notn wen unu tan op infronta im wen wi Laad Jiizas kom bak wid aal a im piipl dem.

Koloshan 2:7

So, jos laik ou chrii ruut de diip iina grong, a so fi unu ruut fi beri diip dong iina im. An jos laik ou bildin tan op pan sopm, a im unu fi bil unu laif pan. Dat miin se unu fi dipen pan im muo an muo an du wa im tel unu fi du. Unu fi uol aan chrang an gwaan chos iina im jos laik ou wi did tiich unu fi du. An no figet fi gi Faada Gad tangks aal di taim.

Ruoman 16:25

Mek wi priez Gad — Gad we kyan mek unu tan op chrang iina wa unu biliiv azkaadn tu di Gud Nyuuz we mi priich bout Krais Jiizas, an azkaadn tu di chuu sitn dem we a did siikrit fram lang lang taim a bak,

1 Korintiyan 1:8

Jiizas wi elp unu fi gwaan tan op chrang iina wa unu biliiv til di die im kom bak fi joj di worl. So pan da die de wen unu tan op infronta im, nobadi naa go kyan se unu did a liv rang.

Iibruu 13:9

No mek di chrienj sitn dem we piipl go bout an a tiich mek unu chrie we. Kaaz a no ruul bout wa unu fi nyam an no nyam, mek di aat chrang. Bot a ou Gad lov wi so moch iivn duo wi no dizorv it — an a wan gud sitn dat. Di ruul dem bout wa piipl fi nyam neehn elp di piipl dem we did a fala dem.