2 Jan 1:1 - Di Jamiekan Nyuu Testiment

¹ Fram di elda tu di uman we Gad pik an ar pikni dem, mi riili riili lov unu. Evribadi we nuo di chuut lov unu tu,

2 Jan 1:1 ပူးပေါင်းရင်းမြစ်များ

Luuk 1:3

Anarebl Tiyafilas, mi stodi evriting fram di staat an mek op mi main fi rait an tel yu wa apm,

Jan 8:32

Unu gweehn nuo di chuut, an di chuut gweehn frii unu.”

Aks 11:30

Dem sen di moni wid Baanabas an Saal go gi di choch liida dem a Jeruusilem.

Ruoman 16:13

Tel Ruufos oudi fi mi. Im a wan a di Laad gud gud sorvant dem an tel im mada oudi fi mi tu — a laik shi a fi mi mada tu.

Gyalieshan 2:14

Bot wen mi si se dem naa ak laik ou di Gud Nyuuz se wi fi ak, infronta evribadi mi se tu Siifas se, “Ef yu a wan Juu an a liv laik di piipl dem we a no Juu, ou yu tingk yu a-go get dem piipl de fi staat liv laik ou Juu liv?”

Gyalieshan 2:5

Bot wi neva gi iin tu dem — no iivn fi a likl. Wi neva du wa dem waahn kaaz wi did waahn fi mek shuor se unu gwaan biliiv di chuu mesij bout Jiizas we wi did tiich unu.

Gyalieshan 3:1

Unu fuul-fuul Gyalieshan unu! A uu guzum unu? Mi tel unu klier klier tu unu fies ou Jiizas did ded pan di kraas.

Gyalieshan 5:7

Unu did a ron so aad an a gwaan so gud! A uu kaaz unu fi tap fala an biliiv iina di chuut?

Koloshan 1:5

Unu du dem sitn de kaaz unu a luk fi get wa Gad put op iina evn fi wi, an unu nuo fi shuor se unu a-go get dem. Wa Gad put op a di sed sitn dem we unu did ier bout wen unu did ier di Gud Nyuuz, an da mesij de chuu.

1 Timoti 2:4

Im waahn evribadi fi get siev an fi nuo di chuut.

Iibruu 10:26

Kaaz ef wi mek op wi main se wi a-go gwaan sin galang afta wi don nuo wa chuu, no muo sakrifais no de fi tek we wi sin yu nuo.

1 Piita 1:2

Faada Gad pik unu fi wan riizn, jos laik im did a plan fi du lang bifuo unu baan. An im Spirit kliin op unu aat so unu kyan fala wa Jiizas Krais se. An Jiizas blod mek unu kliin tu. Mi prie se Gad wi aalwiez shuo unu im lov iivn duo wi no dizorv it an gi unu piis iina unu aat.

1 Piita 5:1

Mi a taak tu di elda dem ya nou. Mi a elda laik unu, mi a wan we si fi miself ou Krais Jiizas did sofa tu, an mi tel piipl bout dis, an mi a-go daans an praans wid im wen im kom bak wid aal a di powa we evribadi a-go si. So mi a beg unu du,

1 Piita 5:13

Unu sista choch we de iina Babilan, we Gad pik tu, se fi iel unu op, an Maak, uu a laik mi bwai pikni, se fi iel unu op tu.

1 Jan 2:21

Mi neva did rait tu unu kaaz unu neehn nuo di chuut, bot kaaz unu nuo it aredi, an no lai kyaahn kom fram di chuut.

1 Jan 3:18

Mi pikni, wi fi mek shuor se wen wi se wi lov, wi riili lov fi chuu, an dat it shuo iina we wi du an a no jos suo-so wod.

2 Jan 1:13

Yu speshal speshal sista an ar pikni dem sen oudi fi unu.

2 Jan 1:5

Mi a beg yu mam, mek aal a wi lov wi wan aneda. Wa mi a rait yu a no wan nyuu laa, a di siem laa wa wi did get fram di staat.

3 Jan 1:1

Da leta ya a kom fram mi, di Elda — tu mi speshal fren, Gaiyos. Mi fren, mi riili riili lov yu.